ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ବଜାରରେ ମୋବାଇଲ ବିସ୍ଫୋରଣରେ ଘରେ ନିଆଁ ଲାଗି ଆସବାବପତ୍ର ସହ ନଗଦ ଟଙ୍କା ପୋଡ଼ିଯାଇଛି। ମାତ୍ର ସୌଭାଗ୍ୟବଶତଃ ଆଠ ମାସର ଶିଶୁ ସହିତ ବାପା, ମାଆ ଅଳ୍ପକେ ଏକ ବଡ ଅଘଟଣରୁ ବର୍ତ୍ତିଯାଇଛନ୍ତି।
ସୂଚନା ଅନୁସାରେ ପୁରୁଣାକଟକ ବଜାରର ବ୍ୟବସାୟୀ ପ୍ରଦୀପ କୁମାର ସାହୁ ଘରେ ମୋବାଇଲ ଚାର୍ଜ ବସାଇ ଗାଧୋଇବାକୁ ଯାଇଥିଲେ। ମାତ୍ର ମୋବାଇଲଟି ଯାନ୍ତ୍ରିକ ତ୍ରୁଟି କାରଣରୁ ବିସ୍ଫୋରଣ ଘଟି ଘରେ ନିଆଁ ଲାଗିଯାଇଥିଲା । ଘରେ ଥିବା ପ୍ରଦୀପଙ୍କ ଲୁଗାପଟା ଆସବାବପତ୍ର ପୋଡି ଯିବା ସହିତ କିଛି ନଗଦ ଟଙ୍କା ପୋଡ଼ିଯାଇଥିବା ଜଣାପଡିଛି। ଏହି ଘଟଣା ପୁରୁଣାକଟକ ବଜାରରେ ଆଲୋଚନାର ବିଷୟ ହୋଇଛି।
Comments are closed.