ହରଭଙ୍ଗା : ହରଭଙ୍ଗା ବ୍ଲକରେ ବର୍ତମାନ ପ୍ରତି ଗାଁରେ ଗାଈ,ଗୋରୁ,ଛେଳି,ମେଣ୍ଢା,ପୋଢ,ମଇଁଷି ଭଳି ଗୃହପାଳିତ ପଶୁମାନଙ୍କଠାରେ ଫାଟୁଆରୋଗ ଦେଖାଦେଇଛି। ଏହା ଉପରେ ସମାଜରେ ଖବର ପ୍ରକାଶିତ ପରେ ପ୍ରାଣୀଚିକିତ୍ସା ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଥିଲା। ନିଜେ ବୌଦ୍ଧ ଉପଖଣ୍ଡ ପ୍ରାଣି ଚିକିତ୍ସାଅଧିକାରୀ ଗାଁ ଗାଁ ବୁଲି ଫାଟୁଆରୋଗ ସର୍ମ୍ପକୀତ ତଥ୍ୟ ସଂଗ୍ରହ କରିଥିଲେ। ପରବର୍ତୀ ସମୟରେ ସବୁ ଗାଁରେ ଫାଟୁଆରୋଗ ନିରାକରଣ ପାଇଁ ଏକ କ୍ୟାମ୍ପ କରିବାକୁ ଏସ.ଡି.ଭି.ଓ ଡାକ୍ତର ପ୍ରଫୁଲ କୁମାର ନାଏକ ପ୍ରତିଶ୍ରୁତି ଦେଇଥିଲେ। ପ୍ରତିଶ୍ରୁତି ଅନୁସାରେ ଗୁରୁବାର ବୌଦ୍ଧ ଭ୍ରାମ୍ୟମାଣ ପ୍ରାଣୀଚିକିତ୍ସା ଭ୍ୟାନ ସାହାଯ୍ୟରେ ପୁରୁଣାକଟକ ପଶୁଧନ ନିରୀକ୍ଷକ ନାରାୟଣ ବାରିକଙ୍କ ସହିତ ଏକ ଟିମ ବ୍ଲକର ଧଳପୁର ପଂଚାୟତର ଶାକୁସିଙ୍ଗା ଏବଂ ଦୂର୍ଗାାପୁରରେ ପଂହଚି ଫାଟୁଆ ଗାଈ ,ଗୋରୁଙ୍କ ଚିକିତ୍ସା କରିଥିବା ଦେଖିବାକୁ ମିଳିଛି। ଆସନ୍ତା ୧୦ଦିନ ମଧ୍ୟରେ ପ୍ରତି ଗାଁକୁ ଏହି ମୋଇବାଲ ଟିମ ପଂହଚି ଫାଟୁଆ ଗୃହପାଳିତ ପଶୁଙ୍କ ଚିକିତ୍ସା କରାଯିବ ବୋଲି ପ୍ରାଣୀ ଚିକିତ୍ସା ବିଭାଗ ପକ୍ଷରୁ ସୂଚନା ମିଳିଛି।
Popular Categories
Previous article
Next article