ହରଭଙ୍ଗା :ହରଭଙ୍ଗା ଥାନା ଅନ୍ତର୍ଗତ ହରଭଙ୍ଗା – ଧଳପୁର ଜଗନ୍ନାଥ ସଡ଼କର ମଲ୍ଲିକପଡା ନିକଟରେ ଏକ କଞ୍ଚା ପଥର ବୋଝେଇ ହାଇୱା ରାସ୍ତା କଡ଼ରେ ଓଲଟି ପଡି ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ସୌଭାଗ୍ୟବଶତଃ ଡ୍ରାଇଭର, ଖଲାସୀ ଅଳ୍ପକେ ବର୍ତ୍ତିଯାଇଥିବା ଜଣାପଡିଛି।
ସୂଚନା ଅନୁସାରେ ଶନିବାର ରାତିରେ ଏକ ପଥର ବୋଝେଇ ହାଇୱା ହରଭଙ୍ଗା ପଟୁ ଜଗନ୍ନାଥସଡ଼କ ଦେଇ ଧଲପୁର ଆଡ଼କୁ ଯାଉଥିଲା। ମଲିକପଡା ନିକଟରେ ଗାଡିଟି ଭାରସାମ୍ୟ ହରାଇ ଓଲଟି ପଡିଛି। ଗାଡ଼ିରେ ବୋଝଇ ହୋଇଥିବା କଞ୍ଚା ପଥର କେଉଁ ପଥର ଖାଦାନରୁ ଯାଉଥିଲା। ଏହାର ଟ୍ରାନଞ୍ଜିଟ ପାସ ଅଛି କି ନାହିଁ। ସେ ଦିଗରେ ତଦନ୍ତ କରିବାର ଆବଶ୍ୟକତା ରହିଛି। ଗାଡିଟି କରଡ଼ି ଅଞ୍ଚଳରେ ନିର୍ମାଣଧୀନ ଏକ ନିର୍ଦ୍ଧିଷ୍ଟ କମ୍ପାନୀକୁ ପଥର ଚାଲାଣ ହେଉଥିବା ସୂଚନା ମିଳିଛି।
Comments are closed.