ହରଭଙ୍ଗା: ହରଭଙ୍ଗା ବ୍ଲକ ସଦରମହକୁମା ଚାରିଛକ ବଜାର ଉପକଣ୍ଠରେ ରହିଥିବା ଏକ ଏସବିଆଇ ଏଟିଏମ କାଉଣ୍ଟର ବର୍ତମାନ ଆବର୍ଜ୍ଜନା କୁଣ୍ଡ ପାଲଟିଥିବା ଦେଖିବାକୁ ମିଳିଛି, ଯାହା ସ୍ବଚ୍ଛତା ଉପରେ ବଡ ପ୍ରଶ୍ନଚିହ୍ନ ଛିଡ଼ା କରିଛି।
ପ୍ରକାଶ ଯେ, ବ୍ଲକର ଅନ୍ୟ ଏକ ଜନଗହଳିପୂର୍ଣ୍ଣ ସ୍ଥାନ ଚାରିଛକରେ ବ୍ଲକ, ତହସିଲ, କୋର୍ଟ ଭଳି ବିଭିନ୍ନ ସରକାରୀ କାର୍ଯ୍ୟାଳୟ ରହିଛି। ଏହାର ମଧ୍ୟଭାଗ ଦେଇ ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥ ଅତିକ୍ରମ କରିଛି। ସବୁ ଦୃଷ୍ଟିକୋଣରୁ ଏଠାରେ ବାହାର ଜିଲ୍ଲାବାସୀଙ୍କ ଚଳପ୍ରଚଳ ରହିଛି। ଏହାକୁ ଦୃଷ୍ଟିରେ ରଖି ବଜାର ଉପରେ ଏକ ଏଟିଏମ ରହିଥିବାବେଳେ ଏହାର ରକ୍ଷଣାବେକ୍ଷଣା ପାଇଁ ସିକ୍ୟୁରିଟି ଗାର୍ଡ ମଧ୍ୟ ନାହାନ୍ତି। ଫଳରେ ବିଭିନ୍ନ ସମୟରେ ଏଟିଏମକୁ ଟଙ୍କା ଉଠାଣ ପାଇଁ ଆସୁଥିବା ଗ୍ରାହକମାନଙ୍କ ପାନଛେପ ସାଙ୍ଗକୁ ଚିରାକାଗଜରେ ଏହାର ପରିସର ଅପରିଷ୍କାର ହୋଇ ରହିଛି। ବାହାରୁ ଆସୁଥିବା ଲୋକ ଏଟିଏମର ଏଭଳି ଅବସ୍ଥା ଦେଖି ମନଉଣା କରିବା ସହିତ ଲୋକଙ୍କ ସ୍ୱଛତା ପ୍ରତି କୌଣସି ସଚେତନତା ନଥିବା ଅନୁଭବ କରୁଛନ୍ତି। ସବୁଠାରୁ ବଡ଼କଥା ହେଲା ଏଟିଏମ ପରିସ୍କାର ପରିଚ୍ଛନ୍ନ ଦାୟିତ୍ୱ ଜଣେ ସ୍ୱେଛାସେବୀ ସଂସ୍ଥାକୁ ଦିଆଯାଇଥିବା ବେଳେ ସେ ମଧ୍ୟ ଦୃଷ୍ଟି ଦେଉନଥିବାରୁ ଏଭଳି ପରିସ୍ଥିତି ସୃଷ୍ଟି ହେଉଛି ବୋଲି ଶୁଣିବାକୁ ମିଳୁଛି। ବ୍ୟାଙ୍କ କର୍ତ୍ତୃପକ୍ଷ ଗ୍ରାହକଙ୍କ ଏଟିଏମ ସେବା କ୍ଷେତ୍ରରେ ଏଭଳି ବ୍ୟତିକ୍ରମକୁ ନେଇ ଅସନ୍ତୋଷ ଗ୍ରାହକ ଆଇନର ଦ୍ୱାରସ୍ଥ ହେବାକୁ ସଜବାଜ ହେଉଥିବା ସୂଚନା ମିଳିଛି।
Comments are closed.