ହରଭଙ୍ଗା: ଶୁକ୍ରବାର ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ କରଡାକୋଠା ନିକଟରେ ଭୋର ସକାଳୁ ଗୋଟିଏ ତେଲ ବୋଝେଇ ଟ୍ୟାଙ୍କର ସହିତ ଏକ ଥଣ୍ଡା ବୋଝେଇ ଟ୍ରକର ମୁହାଁମୁହିଁ ଧକ୍କା ହୋଇଥିଲା। ଏଥିରେ ଦୁଇଜଣ ଗୁରୁତର ଆହାତ ହୋଇଥିବା ବେଳେ ଅନ୍ୟ ୨ଜଣ ସାମାନ୍ୟ ଆହାତ ହୋଇଥିବା ଜଣାପଡିଛି।
ସୂଚନା ଅନୁସାରେ ଆଜି ଭୋର ସକାଳୁ ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥ ଦେଇ ଭୁବନେଶ୍ୱରପଟୁ ବୌଦ୍ଧ ଆଡକୁ ଗୋଟିଏ ତେଲ ବୋଝେଇ ଟ୍ୟାଙ୍କର ଯାଉଥିଲା। ସେହି ସମୟରେ ବିପରୀତ ଦିଗ ବୌଦ୍ଧ ପଟୁ ଆସୁଥିବା ଏକ ଥଣ୍ଡା ବୋଝେଇ ଟ୍ରକ ସହିତ ମୁହାଁ ମୁହିଁ ଧକ୍କା ହୋଇଥିଲା। ଏଥିରେ ଦୁଇ ଟ୍ରକ ଚାଳକ କାହ୍ନା ପୋଢ, ଦିଲ୍ଲୀପ ମାଝୀ ଦୁଇଜଣ ଗୁରୁତର ଆହାତ ହୋଇଥିବା ଜଣାପଡିଛି। ସେମାନଙ୍କୁ ଚିକିତ୍ସା ପାଇଁ ପୁରୁଣାକଟକ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡିଛି। ପୁରୁଣାକଟକ ପୁଲିସ ଘଟଣାର ତଦନ୍ତ ଚଳେଇଛି। କାହ୍ନାର ଘର ସୋନପୁର ଜିଲା ତରଭା ହୋଇଥିବା ବେଳେ ଦିଲ୍ଲୀପର ଘର ବଲାଙ୍ଗୀର ଜିଲା କପାପାଲ୍ଲୀ ବୋଲି ସୂଚନା ମିଳିଛି।
Comments are closed.