ନୂଆଦିଲ୍ଲୀ : ଭାରତୀୟ କ୍ରିକେଟ ଦଳର ଯୁବ ଲେଗ୍ ସ୍ପିନର୍ ୟୁଜୁବେନ୍ଦ୍ର ଚହଲ୍ ମଙ୍ଗଳବାର ୨୯ ବର୍ଷ ବୟସରେ ପାଦ ଦେଇଛନ୍ତି। ଚହଲଙ୍କ ଜନ୍ମ ଦିନ ଅବସରରେ ତାଙ୍କୁ ସାଥି କ୍ରିକେଟରମାନେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଭାରତୀୟ କ୍ରିକେଟ ଦଳର ପୂର୍ବତନ ବ୍ୟାଟ୍ସମ୍ୟାନ ବୀରେନ୍ଦ୍ର ସେହୱାଗଙ୍କ ଠାରୁ ଆରମ୍ଭ କରି ରୋହିତ୍ ଶର୍ମା, ସୁରେଶ ରାଇନା, ଶିଖର ଧୱନ୍, ଚେତେଶ୍ୱର ପୂଜାରା, କୁଲଦୀପ ଯାଦବ ମଧ୍ୟ ଚହଲଙ୍କୁ ଜନ୍ମଦିନର ଅଭିନନ୍ଦନ ଜଣାଇଛନ୍ତି। ବିସିସିଆଇ ଓ ଆଇସିସି ମଧ୍ୟ ତା’ର ଅଫିସିଆଲ୍ ଟ୍ୱିଟର୍ ଆକାଉଣ୍ଟରେ ଚହଲଙ୍କୁ ଅଭିନନ୍ଦନ ଜଣାଇଛି।
ନିଜର ଟ୍ବିଟର ଆକାଉଣ୍ଟରେ ସେହୱାଗ ଚହଲଙ୍କ ଆରାମ କରୁଥିବା ଏକ ଫଟୋ ଶେୟାର କରି ଲେଖିଛନ୍ତି, “ଜନ୍ମଦିନର ଶୁଭେଚ୍ଛା ଚହଲ୍”, ଏଥିସହ ସେ ଆହୁରି ଲେଖିଛନ୍ତି, “ଇସି ଆଟିଚ୍ୟୁଡ୍ କେ ପୈସେ ହୈଁ, ବାକି ସବ୍ ଏକ ଜୈସେ ହୈଁ।” ସେହିପରି ରୋହିତ୍ ଶର୍ମା ‘ଗୋଟ୍’ ଲେଖି ଚହଲଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ଜଦ୍ମଦିନ ଆପଣଙ୍କ ପାଇଁ ସର୍ବଶ୍ରେଷ୍ଠ ହେଉ ଗୋଟ୍ (ଗ୍ରେଟ୍ ଅଫ୍ ଅଲ୍ ଟାଇମ୍)।
ସୂଚନାଯୋଗ୍ୟ, ଚହଲ୍ ଭାରତ ପକ୍ଷରୁ ୪୯ଟି ଏକଦିବସୀୟ ଓ ୩୧ଟି ଟ୍ବେଣ୍ଟି-୨୦ ମ୍ୟାଚ୍ ଖେଳିଛନ୍ତି। ସେ ୨୬.୩୫ ହାରରେ ୮୪ ଦିନିକିଆ ଏବଂ ୨୧.୧୩ ହାରରେ ୪୬ ଟି-୨୦ ୱିକେଟ୍ ନେଇଛନ୍ତି। ଏକଦିବସୀୟ ଓ ଟି-୨୦ରେ ଚହଲ୍ ଦୁଇଥର ଲେଖାଏ ୫ଥରରୁ ଅଧିକ ୱିକେଟ୍ ହାସଲ କରିଛନ୍ତି। ନିକଟରେ ଶେଷ ହୋଇଥିବା ବିଶ୍ୱକପରେ ଚହଲ୍ ୧୨ଟି ୱିକେଟ୍ ନେଇଥିଲେ। ସେହିପରି ରୟାର ଚ୍ୟାଲେଞ୍ଜର ବାଙ୍ଗାଲୋର ତରଫରୁ ସେ ଇଣ୍ଡିଆନ ପ୍ରିମିୟମ ଲିଗ୍(ଆଇପିଏଏଲ୍) ମ୍ୟାଚ୍ ଖେଳୁଛନ୍ତି।
Comments are closed.