ପିପିଲି : ରାଜଧାନୀ ଉପକଣ୍ଠ ଗୁଡିଆପୋଖରୀ ଠାରେ ଗୁରୁନାନକ ଇଂଲିଶ ମିଡିୟମ ପବ୍ଲିକ ସ୍କୁଲ୍ ରବିବାର ଉଦ୍ଘାଟିତ ହୋଇଯାଇଛି। ଏହି ଅବସରରେ ଅତିରିକ୍ତ ସଚିବ ପ୍ରଦୀପ୍ତ କୁମାର ମହାପାତ୍ର ମୁଖ୍ୟଅତିଥି ଭାବେ ଯୋଗଦେଇ ଫିତା କାଟି ସ୍କୁଲକୁ ଉଦ୍ଘାଟନ କରିଥିଲେ। ଅନ୍ୟତମ ଅତିଥି ଭାବେ ସାଇ ଇଣ୍ଟରନ୍ୟାସନାଲ ସ୍କୁଲର ପ୍ରତିଷ୍ଠାତା ଚେୟାରମ୍ୟାନ୍ ଡ଼ଃ ବିଜୟ କୁମାର ସାହୁ ଯୋଗ ଦେଇଥିବା ବେଳେ ସ୍କୁଲ ମ୍ୟାନେଜିଂ କମିଟିର ଅଧ୍ୟକ୍ଷ ସତ୍ପାଲ ସିଂ, ସଂପାଦକ ଜସ୍ପାଲ ସିଂ, ସ୍କୁଲର ଅଧ୍ୟକ୍ଷା ମଧୁମିତା ସାହୁଙ୍କ ସମେତ ମ୍ୟାନେଜିଂ କମିଟିର ସମସ୍ତ ସଦସ୍ୟ, ସ୍ଥାନୀୟ ଅଞ୍ଚଳର ବୁଦ୍ଧିଜୀବୀମାନେ ଉପସ୍ଥିତ ଥିଲେ। ଏହି ଅବସରରେ ସେଠାରେ ସ୍ୱତନ୍ତ୍ର ପୂଜାର୍ଚ୍ଛନା ସହ ଭଜନ ଓ କୀର୍ତ୍ତନ ଅନୁଷ୍ଠିତ ହୋଇଥିଲା। ସ୍ୱଳ୍ପ ମୂଲ୍ୟରେ ସମସ୍ତ ପ୍ରକାର ସୁବିଧା ଉପଲବ୍ଧ ଥିବା ଏହି ସ୍କୁଲରେ ଷ୍ଟାଣ୍ଡାର୍ଡ ଜିରୋ ଠାରେ ୧୦+୨ ଯାଏଁ ଶିକ୍ଷାଦାନ କରାଯିବ ବୋଲି ସୂଚନା ମିଳିଥିବା ବେଳେ ଏହି ସ୍କୁଲ୍ ଉଦ୍ଘାଟନ ହେବା ଦ୍ୱାରା ସ୍ଥାନୀୟ ଅଞ୍ଚଳରେ ଆନନ୍ଦର ଲହରି ଖେଳିଯାଇଛି। ଏହାଦ୍ୱାରା ସ୍ଥାନୀୟ ଅଞ୍ଚଳର ଛାତ୍ରଛାତ୍ରୀମାନେ ଉଚ୍ଚକୋଟିର ଗୁଣାତ୍ମକ ଶିକ୍ଷା ଲାଭ କରିପାରିବେ ବୋଲି ସୂଚନା ମିଳିଛି।
Popular Categories
Previous article
Next article