ଗୁରୁଡିଝାଟିଆ : ଖୁଣ୍ଟୁଣୀ ଥାନା ଅଞ୍ଚଳ ଚୋରା ମଦ ରନ୍ଧନ ପ୍ରସ୍ତୁତି ସହ ରାଜ୍ୟର ବିଭିନ୍ନ ସ୍ଥାନକୁ ନିଧଡକରେ ଚୋରା ଦେଶୀମଦ ରନ୍ଧନ କରାଯାଇ ଚାଲାଣ କରାଯାଉଅଛି। ଅବକାରୀ ବିଭାଗ ଚଢାଉ କରୁଥିଲେ ମଧ୍ୟ ଚୋରାଦେଶୀମଦ ରନ୍ଧନ ବନ୍ଦ ହେଉନାହିଁ। ଯାହାକି ବୁଦ୍ଧିଜୀବିମାନଙ୍କୁ ବିସ୍ମିତ କରିଛି। ସରସ୍ୱତୀପୁର ଓ ଡାଳୁଆ ସଂରକ୍ଷିତ ଜଙ୍ଗଲରେ ଅବକାରୀ ଅଧିକ୍ଷକ ଦେବାଶିଷ ପଟେଲଙ୍କ ନିର୍ଦ୍ଦେଶ କ୍ରମେ ଆଠଗଡ ଅବକାରୀ ଉପଅଧିକ୍ଷକ ପ୍ରମୋଦ କୁମାର ପଣ୍ଡାଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଚଢାଉ କରାଯାଇ ୧୧୪୪୫ ଲିଟର ପୋଚ ନଷ୍ଟ କରିବା ସହ ୮୭୫ ଲିଟର ଦେଶୀ ଚୋରା ରନ୍ଧା ମଦକୁ ଜବତ କରାଯାଇଛି। ଆଠଗଡ ଅବକାରୀ ନିରୀକ୍ଷକ କେଶବ ଚନ୍ଦ୍ର ଦାସ ,ଭ୍ରାମ୍ୟମାଣ ଅବକାରୀ ନିରୀକ୍ଷକ ସଂଜୀତ ବାର୍ଲା , ଉପନିରୀକ୍ଷକ ଅଜିତ କୁମାର ପାତ୍ର, ସୌମ୍ୟ ରଞ୍ଜନ ମାଝି ଓ ଦୀପକ କୁମାର ମାରାଣ୍ଡି ପ୍ରମୁଖ ଚଢାଉରେ ଭାଗ ନେଇଥିଲେ। ମୋଟ ୪ଟି ମାମଲା ରୁଜୁ କରାଯାଇଛି।
Comments are closed.