ଗୁରୁଡିଝାଟିଆ : ଗୋପବନ୍ଧୁ ଚିକିତ୍ସା ଓ ଜେ କେ ଲକ୍ଷ୍ମୀ ସିମେଣ୍ଟ କାରଖାନାର ମିଳିତ ସହଯୋଗରେ ରାଧାଦାମୋଦରପୁର ଠାରେ ଥିବା ଧବଳେଶ୍ୱର ପଲିଟେକ୍ନିକ ଓ ଶିଳ୍ପ ତାଲିମ କେନ୍ଦ୍ର ପରିସରରେ ଏକ ମାଗଣା ସ୍ୱାସ୍ଥ୍ୟସେବା ଶିବିର ଅନୁଷ୍ଠିତ ହୋଇଛି। ନିକଟସ୍ଥ ଗ୍ରାମର ଜନସାଧାରଣ,ପଲିଟେକ୍ନିକ ଓ ଶିଳ୍ପ ତାଲିମ କେନ୍ଦ୍ରର ବିଦ୍ୟାର୍ଥୀ, ଅଧ୍ୟାପକ,ଅଧ୍ୟାପିକା , କର୍ମଚାରୀ ଓ ପରିସରରେ ପ୍ରଶିକ୍ଷଣ ନେଉଥିବା ନୀତା ମହିଳା ଫୁଟୁବଲ ଏକାଡେମୀର ସମସ୍ତ ଖେଳାଳୀ ଓ ପ୍ରଶିକ୍ଷକ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ଆବଶ୍ୟକ ମୁତାବକ ମାଗଣା ଔଷଧ ମଧ୍ୟ ବଣ୍ଟନ କରାଯାଇଥିଲା। ଗୋପବନ୍ଧୁ ଚିକିତ୍ସାଳୟର ଡାକ୍ତର ବିକ୍ରମ ଷଡଙ୍ଗୀଙ୍କ ପ୍ରତ୍ୟେକ୍ଷ ଉପସ୍ଥିତରେ ଅନୁଷ୍ଠିତ ଏହି ମାଗଣା ସ୍ୱାସ୍ଥ୍ୟସେବା ଶିବିରରେ ଡାକ୍ତର ପ୍ରୀତି ସୁମନ,ଡାକ୍ତର ଅସୀତ ମହାନ୍ତି ସ୍ୱାସ୍ଥ୍ୟ ପରୀକ୍ଷା କରିଥିଲେ। ଚିକିତ୍ସାଳୟର ସେବୀକା ଓ ଗୋପବନ୍ଧୁ ନର୍ସିଂ କଲେଜର ଛାତ୍ରୀମାନେ ସହାୟତା ପ୍ରଦାନ କରିଥିଲେ। ପଲିଟେକ୍ନିକ ଓ ଶିଳ୍ପ ତାଲିମ କେନ୍ଦ୍ରର ପ୍ରଶାସନିକ ଅଧିକ।ରୀ ରମଣୀ ରଞ୍ଜନ ନାୟକଙ୍କ ପ୍ରତ୍ୟକ୍ଷ ତତ୍ୱାବଧାନରେ ସ୍ୱାସ୍ଥ୍ୟସେବା ଶିବିର ଅନୁଷ୍ଠିତ ହୋଇଥିଲା। ଗୋପବନ୍ଧୁ ଚିକିତ୍ସାଳୟର ପ୍ରବନ୍ଧକ ଭବାନୀ ପ୍ରସାଦ ମିଶ୍ର, ଉପପ୍ରବନ୍ଧକ ଡଃ ନିତ୍ୟ ସୁନ୍ଦର ସିଏ, ଜେକେ ଲକ୍ଷ୍ମୀ ସିମେଣ୍ଟର କାରଖାନା ମୁଖ୍ୟ ଗିରୀଶ ତିୱାରୀ, ପାରିପାଶ୍ୱର୍ିକ ଉନ୍ନୟନ ଅଧିକାରୀ ସୁଶିଲ କୁମାର ରାଉତ ପ୍ରମୁଖ ଉପସ୍ଥିତ ରହିଥିଲେ। ଧବଳେଶ୍ୱର ପଲିଟେକ୍ନିକ ,ଶିଳ୍ପ ତାଲିମ କେନ୍ଦ୍ର ଓ ନୀତା ଫୁଟୁବଲ ଏକାଡେମୀର ନିର୍ଦ୍ଦେଶକ ଇଂ ସୁବ୍ରତ ଦାସ ଏଭଳି କାର୍ଯ୍ୟକ୍ରମକୁ ସାଧୁବାଦ ଜଣାଇଥିଲେ।
Comments are closed.