ଗୁରୁଡିଝାଟିଆ: ଘଣ୍ଟିଖାଲ ବୃନ୍ଦାବନ ଚନ୍ଦ୍ର ଲଉଡି ସଂଘ ପକ୍ଷରୁ ଲଉଡି ମହୋତ୍ସବ ଅନୁଷ୍ଠିତ ହୋଇଛି। ଯୁବ ନେତା ଆଦିତ୍ୟ ପ୍ରଦାପ ସ୍ୱାଇଁ ମୁଖ୍ୟ ଅତିଥି ଭାବରେ ଯୋଗଦେଇ ଯାଦବ ସଂପ୍ରଦାୟର ଭକ୍ତିରସପୂର୍ଣ୍ଣ ଲଉଡି ଖେଳ ଆମ ଗୌରବମୟ ସଂସ୍କୃତି, ପରମ୍ପରା ଓ ପୁରାଣର ଗାଥାକୁ ଉଦଜୀବିତ କରାଇଦିଏ। ସମାଜ ବ୍ୟବସ୍ଥାରେ ଯାଦବମାନଙ୍କ ବରିଷ୍ଠ ଭୂମିକା ଅନସ୍ୱୀକାର୍ଯ୍ୟ ବୋଲି କହିବା ସହିତ ସଂଗଠନର ଏଭଳି କାର୍ଯ୍ୟକୁ ଭୂୟସୀ ପ୍ରଶଂସା କରିଥିଲେ।
ସାଧୁ ସଦାନନ୍ଦ ଦାସ ମହାରାଜ ଓ ସର୍ବଭାରତୀୟ ଯାଦବ ମହାସଭାର ସଭାପତି ଇଂ ପ୍ରଦୀପ କୁମାର ବେହେରା ,ସ୍ଥାନୀୟ ସରପଞ୍ଚଙ୍କ ପ୍ରତିନିଧି ସୁବାସ ଚନ୍ଦ୍ର ବିଶ୍ୱାଳ, ପୂର୍ବତନ ସରପଞ୍ଚ ଲକ୍ଷ୍ମୀଧର ମହାନ୍ତି, ଜିଲ୍ଲା ଯୁବ ଯାଦବ ସଭାପତି ଜନାର୍ଦ୍ଦନ ପରିଡା, ମଙ୍ଗୁଳିଚରଣ ପାଣି, ବଳରାମ ବେହେରା, କାର୍ତ୍ତିକ ବେହେରା, ଜାନକୀଲତା ନାଏକ,ପ୍ରଣବାନନ୍ଦ ପ୍ରଧାନ ପ୍ରମୁଖ ଅତିଥି ଭାବରେ ଯୋଗଦେଇଥିଲେ।
ନଦୀକୂଳ ଯାଦବ ମହାସଭା ସଭାପତି ସନ୍ତୋଷ କୁମାର ବେହେରାଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଲଉଡି ମହୋତ୍ସବରେ ଘଣ୍ଟିଖାଲ, ଦ୍ୱାରାବତୀପୁର, ଧୁରୁଷିଆ,କେଉଟପଡା, ବଉଳପଦା, କାଇପୁଡିଆ, କଦମପାଟଣା, କନ୍ଦରପୁର ଆଦି ଗ୍ରାମର ଲଉଡି ସଂଗଠନର ସଦସ୍ୟମାନେ ଉପସ୍ଥିତ ରହି ଲୀଳା ପରିବେଷଣ କରିଥିଲେ।
