ଗୁରୁଡିଝାଟିଆ: ପ୍ରଭୁ ଧବଳେଶ୍ୱରଙ୍କ ପଞ୍ଚକ ଓ ବଡଓଷା ଯାତ୍ରାର ଆଜି ଦ୍ବିତୀୟ ଦିନ। ନୀତିପାଳିଆ ଟିକମ ପତ୍ରୀ ପ୍ରଭୁ ଧବଳେଶ୍ବରଙ୍କ ନୀତିକାର୍ଯ୍ୟ ସଂପନ୍ନ କରିଥିଲେ। ଦେବୋତ୍ତର ସୁପରଭାଇଜର ଭବାନୀ ପ୍ରସାଦ ପଣ୍ଡାଙ୍କ ଉପସ୍ଥିତିରେ ପ୍ରଭୁ ଧବଳେଶ୍ୱରଙ୍କ ଗଙ୍ଗାଧର ବେଶ ଅନୁଷ୍ଠିତ ହୋଇଥିଲା। ଭୋର ୫ଟାରୁ ଶ୍ରଦ୍ଧାଳୁମାନଙ୍କ ଉଦ୍ଦେଶ୍ୟରେ ଅାଭାସୀ ଜରିଆରେ ବଡ ପରଦାରେ ସିଧା ପ୍ରସାରଣ କରାଯାଇଥିଲା। ଆଜି ପ୍ରାୟ ୩ଶହରୁ ଅଧିକ ଶ୍ରଦ୍ଧାଳୁ ପ୍ରଭୁଙ୍କ ଆଭାସୀ ଦର୍ଶନ କରିବା ସହ ପ୍ରସାଦ ପାଇଥିଲେ। ଉପଜିଲାପାଳ ହେମନ୍ତ କୁମାର ସ୍ୱାଇଁ, ତହସିଲଦାର ପ୍ରିୟବ୍ରତଦାସ, ଉପଖଣ୍ଡ ସୂଚନା ଓ ଲୋକ ସଂପର୍କ ଅଧିକାରୀ ଅଲେଖ ଚନ୍ଦ୍ର ଦାଶ ଉପସ୍ଥିତ ଥିଲେ। ରାତି ପାହିଲେ (ରବିବାର) ପ୍ରଭୂଙ୍କ ବଡଓଷା ଓ ବଡସିଂହାର ବେଶ ଅନୁଷ୍ଠିତ ହେବ। ବର୍ଷକରେ ଥରେ ବଡଓଷା ଦିନ ପ୍ରଭୁ ଧବଳେଶ୍ୱରଙ୍କ ବଡସିଂହାର ବେଶ ଅନୁଷ୍ଠିତ ହୋଇଥାଏ। ଯାହାକି ଆସନ୍ତାକାଲି ଧବଳେଶ୍ବର ପୀଠରେ ଅନୁଷ୍ଠିତ ହୋଇ ଆଭାସୀ ମାଧ୍ୟମରେ ପ୍ରଦର୍ଶିତ ହେବ। ରବିବାର ରାତ୍ରୀ ୩ଟା ପ୍ରଭୁଙ୍କ ଗଜଭୋଗ ଲାଗିକରାଯିବ।
Popular Categories
Previous article
Next article