ନୂଆଦିଲ୍ଲୀ : ସଡକ ସୁରକ୍ଷାରେ ସୁଧାର ଆଣିବା ସଡକ ପରିବହନ ଏବଂ ରାଜମାର୍ଗ ମନ୍ତ୍ରାଳୟ ଆଗାମୀ ବର୍ଷ ଅର୍ଥାତ୍ ଜାନୁୟାରୀ ୨୦୨୬ରୁ ସମସ୍ତ ନବନିର୍ମିତ ଦୁଇଚକିଆ ପାଇଁ ଆଣ୍ଟି-ଲକ୍ ବ୍ରେକିଂ ସିଷ୍ଟମ(ଏବିଏସ୍)କୁ ବାଧ୍ୟତାମୂଳକ କରିବା ପାଇଁ ପ୍ରସ୍ତୁତ ହେଉଛି । ଏଥିରେ ସ୍କୁଟର, ମୋଟରସାଇକେଲ ଓ ବାଇକ ସାମିଲ ହେବ । ଏହା ବ୍ୟତୀତ ମନ୍ତ୍ରାଳୟ ଏକ ନିୟମ ଲାଗୁ କରିବାକୁ ପ୍ରସ୍ତୁତ ହେଉଛି ଯେଉଁଥିରେ ସମସ୍ତ ଦୁଇଚକିଆ ନିର୍ମାତା ଓ ଡିଲରସିପକୁ ପ୍ରତି ନୂଆ ବାହନ ସହିତ ଭାରତୀୟ ମାନକ ବ୍ୟୁରୋ(ବିଆଇଏସ୍) ଦ୍ବାରା ପ୍ରମାମିତ ୨ଟି ହେଲମେଟ୍ ଉପଲବ୍ଧ କରାଇବାକୁ ହେବ ।
ପରିବହନ ମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି କି ବର୍ତ୍ତମାନ ଏବିଏସ୍ କେବଳ ୧୨୫ ସିସିରୁ ଅଧିକ ବାଇକ ପାଇଁ ବାଧ୍ୟତାମୂଳକ । ଯେଉଁ ଗାଡି ୭୦ କିଲୋମିଟର ପ୍ରତି ଘଣ୍ଟାରୁ ଅଧିକ ବେଗରେ ଯାତ୍ରା କରିପାରିବ ସେହି ଗାଡିଗୁଡିକ ପାଇଁ ଏବିଏସ୍ ବାଧ୍ୟତାମୂଳକ ହେବ । ଏବିଏସକୁ ଜରୁରିକାଳୀନ ବ୍ରେକିଂ ସ୍ଥିତି ସମୟରେ ହ୍ବିଲ୍ ଲକ୍-ଅପକୁ ରୋକିବା ପାଇଁ ଡିଜାଇନ୍ କରାଯାଇଛି । ଖାସ୍ କରି ଓଦା କିମ୍ବା ଅସମାନ ରୋଡରେ ଏହାର ଗୁରୁତ୍ବ ବଢିଯାଏ । ଅନେକ ଅଧ୍ୟୟନରେ ଏହା ଜଣାପଡିଛି କି ଏବିଏସ୍ ଦୁର୍ଘଟଣାର ଆଶଙ୍କାକୁ ୩୫-୪୫ ପ୍ରତିଶତ ପର୍ଯ୍ୟନ୍ତ କମ୍ କରିଥାଏ ।
Comments are closed.