ଗୋପାଳପୁର : ଗୋପାଳପୁର ପୁଲିସ ପକ୍ଷରୁ ପୋଢ଼ ଚୋରି ମାମଲାରେ ଆଜି ଜଣକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଅଭିଯୁକ୍ତ ଜଣକ ହେଲେ ଡୁରା ଗ୍ରାମର ଚିଣ୍ଟୁ ଗୌଡ଼ ବୋଲି ପୁଲିସ କହିଛି। ସୂଚନା ପ୍ରକାରେ ଚଳିତ ମାସ ୬ ତାରିଖରେ ପଲ୍ଲୀଗୁମୁଳା ଗ୍ରାମର କଇରା ସେଠୀ ପ୍ରତିଦିନ ପରି ଗୁହାଳରେ ପୋଢ଼ ବାନ୍ଧି ଥିଲେ। ୭ ତାରିଖ ଭୋର ସକାଳୁ ଗୁହାଳରେ ଦୁଇଟି ପୋଢ଼ ନଥିବା ଦେଖି ଖୋଜା ଖୋଜି କରିଥିଲେ। ପୋଢ଼ ଦୁଇଟି ନ ମିଳିବାରୁ ୧୬ ତାରିଖରେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୦୯/୨୪ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।
କୌଣସି ସୂତ୍ରରୁ ଖବର ପାଇଁ ଡୁରା ଗ୍ରାମର ଚିଣ୍ଟୁ ଗୌଡ଼କୁ ପୁଲିସ କାବୁ କରି ପଚାରା ଉଚରା କରିଥିଲା। ସେ ଆନ୍ଦ୍ର ପ୍ରଦେଶର କାବିଟି ଏକ ହାଟରେ ଏକ ବ୍ୟବସାୟୀକୁ ବିକ୍ରୀ କରିଥିବା ମାନି ଥିଲା। ପରେ ଗୋପାଳପୁର ଥାନା ଅଧିକାରୀ ଶରତ କୁମାର ମାହାଲିକଙ୍କ ନିର୍ଦ୍ଧେଶ କ୍ରମେ ଏସ ଆଇ ମଣି ଦାଢ଼ିଆଙ୍କ ନେତୃତ୍ୱରେ ଏକ ପୁଲିସ ଟିମ କାବିଟିରେ ପହଞ୍ଚି ସେଠାକାର ପୁଲିସ ସହାୟତାରେ ଚୋରି ହୋଇଥିବା ପୋଢ ଉଦ୍ଧାର କରି କଇଠା ସେଠୀ ଙ୍କୁ ଜିମା ଦେଇଥିବା ପୁଲିସ ସୂଚନା କହିଛି lଅନ୍ୟ ପଟେ ଅଭିଯୁକ୍ତ ଚିଣ୍ଟୁ ଙ୍କୁ କୋର୍ଟ ଚାଲାଣ କରିଛି।
Comments are closed.