ଦରବୃଦ୍ଧି ପ୍ରତିବାଦରେ ବ୍ଲକ କାର୍ୟ୍ୟାଳୟ ସମ୍ମୁଖରେ ବିକ୍ଷୋଭ ଓ ବିଡ଼ିଓଙ୍କୁ ଦାବିପତ୍ର ପ୍ରଦାନ

ଗୋପାଳପୁର: ଗୋପାଳପୁର ନିର୍ବାଚନ ମଣ୍ଡଳୀ ଅନ୍ତର୍ଗତ କନିଷି ସ୍ଥିତ ବ୍ଲକ କାର୍ଯ୍ୟାଳୟ ସମ୍ମୁଖରେ ମହିଳା ବିଜେଡି ପକ୍ଷରୁ କେନ୍ଦ୍ର ସରକାରଙ୍କ ବିରୋଧରେ ରନ୍ଧନଗ୍ୟାସ, ପେଟ୍ରୋଲ, ଅତ୍ୟାବଶକିୟ ସାମଗ୍ରୀର ଦରବୃଦ୍ଧି ପ୍ରତିବାଦରେ ବିକ୍ଷୋଭ ପ୍ରଦର୍ଶନ କରିବା ସହ ରାଷ୍ଟ୍ରପତିଙ୍କ ଉଦେଶ୍ୟରେ ବିଡ଼ିଓ ପ୍ରସନ୍ନ କୁମାର ପାତ୍ରଙ୍କୁ ଦାବୀ ପତ୍ର ପ୍ରଦାନ କରିଥିଲେ।

ବ୍ଲକ ବିଜେଡି ସଭାପତି ଅଜିତ ଦାସ ଅଧକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ବ୍ଲକ ବିଜେଡି ସଭାନେତ୍ରୀ ପି. କମଳା ରେଡ୍ଡୀ ଓ ଜିଲା ବିଜେଡ଼ି ସଭାନେତ୍ରୀ ସଂଘମିତ୍ରା ଦଳାଇ, ବ୍ଲକ ସଭାପତି ଅଜିତ ଦାସ, ବ୍ଲକ ଉପସଭାପତି ପ୍ରକାଶ ଚନ୍ଦ୍ର ସାମନ୍ତ, ଯୁବସଭାପତି ବିନୋଦ ମହାଙ୍କୁଡ଼, ନିଲେନ୍ଦ୍ର କୁମାର ପ୍ରଧାନ, ସିଏଚ.ଡିଲେଶ୍ୱର ରେଡ୍ଡୀ, ଶଶୀଭୂଷଣ ମହାନ୍ତି, ରାଜେଶ୍ୱରି ଦୋରା, ବିଷ୍ଣୁ ପ୍ରିୟା ନାୟକ, ସଭ୍ୟା ମଞ୍ଜୁଶ୍ରୀ ଦଳାଇ ପ୍ରମୁଖ ଯୋଗଦେଇଥିଲେ। ଆଗାମୀ ପଞ୍ଚାୟତ ନିର୍ବାଚନ ପାଖେଇ ଆସୁଥିବା ବେଳେ ଦଳର କର୍ମୀ ମାନଙ୍କୁ ଏକାଠି କରିବା ପାଇଁ ଏହା ଏକ ଏକ ପ୍ରୟାସ ହୋଇଥିବା ରାଜନୈତିକ ମହଲରେ ଆଲୋଚନା ହେଉଛି।