ସମାଜ ଡିଜିଟାଲ ଡେସ୍କ: ଗଣିତ ଅନେକ ଲୋକଙ୍କୁ ବହୁତ କଷ୍ଟ ଲାଗିଥାଏ। ଗଣିତ ପ୍ରଶ୍ନର ସମାଧାନ ଓ ବୁଝିବା ପାଇଁ ସୋମାନେ ଅନେକ ଟ୍ୟୁସନ ଏବଂ ଅନଲାଇନ କ୍ଲାସ୍ ମଧ୍ୟ ନିଅନ୍ତି। ଏହି ସମସ୍ୟାର ସମାଧାନ ପାଇଁ ଗୁଗୁଲର ଏକ ସ୍ୱତନ୍ତ୍ର ଆପ୍ ରହିଛି। ଯଦି ଆପଣ ଗଣିତର ଜଟିଳ ପ୍ରଶ୍ନର ସମାଧାନ ତୁରନ୍ତ କରିବାକୁ ଚାହୁଁଛନ୍ତି ତେବେ ‘ଫଟୋମ୍ୟାଥ୍’ ଆପ୍ ବ୍ୟବହାର କରନ୍ତୁ। ଗୁଗୁଲର ଏହି ଆପ୍ କିଛି ବର୍ଷ ପୂର୍ବରୁ ପ୍ରସ୍ତୁତ ହୋଇଥିଲା। ପ୍ରକୃତରେ ଏହା ହେଉଛି ଏକ ସ୍ମାର୍ଟ କ୍ୟାମେରା କାଲକୁଲେଟର। ଯାହା କେବଳ ଚିତ୍ର ଉଠାଇ ଏହାର ସମାଧାନ କରିବାରେ ସାହାଯ୍ୟ କରିଥାଏ। ଏହି ଆପ୍ ବ୍ୟବହାର କରି ଗଣିତର ଜଟିଳରୁ ଜଟିଳର ପ୍ରଶ୍ନର ଉତ୍ତର ଖୁବ ସହଜରେ ସମାଧାନ କରିପାରିବେ। ଏହି ଆପ୍ ଷ୍ଟେପ୍ ବାଏ ଷ୍ଟେପ୍ ସମାଧାନ କରିଥାଏ।
ଗୁଗୁଲ ପକ୍ଷରୁ ୨୦୨୩ ମାର୍ଚ୍ଚ ମାସରେ ଏହି ‘ଫଟୋମ୍ୟାଥ୍’ ଆପ ଲଞ୍ଚ କରାଯାଇଥିଲା। ବର୍ତ୍ତମାନ ଏହି ଆପ୍ ଗୁଗୁଲର ପୋର୍ଟଫୋଲିୟାରେ ଅନ୍ତର୍ଭୁକ୍ତ କରାଯାଇଥିବାରୁ ଦୁନିଆ ସାରା ଲୋକ ଏହାକୁ ବ୍ୟବହାର କରିପାରିବେ। ଗୁଗୁଲ୍ ପ୍ଲେ ଷ୍ଟୋରରେ ଏହି ଆପ୍ ଉବଲବ୍ଧ। ଏହାର ସାହାଯ୍ୟରେ ଉପଭୋକ୍ତାମାନେ ଗଣିତକୁ ସହଜରେ ସମାଧାନ କରିବାରେ ସକ୍ଷମ ହେବେ। ଏଥିରେ ଆଲଜେବ୍ରା, ଜୋମେଟ୍ରି, ଟ୍ରିଗ୍ନୋମେଟ୍ରି, ପରିସଂଖ୍ୟାନ ଏବଂ କାଲକୁଲସ୍ ପରି ବିଷୟ ଗୁଡିକର ସମାଧାନ କରିବା ଭଳି ଉପାୟ ଅନ୍ତଭୁକ୍ତ ରହିଛି।
ଫଟୋମ୍ୟାଥ୍ ଆପ୍ ବ୍ୟବହାର କରିବା ଅତ୍ୟନ୍ତ ସହଜ। ଏଥିପାଇଁ ଉପଭୋକ୍ତମାନଙ୍କୁ ଗଣିତ ପେଜର ଫଟୋ କ୍ଲିକ କରିବାକୁ ପଡିବ। ଏହାପରେ ଆପ୍ କାମ କରିବା ଆରମ୍ଭ କରିବ, ଏବଂ ପର୍ଯ୍ୟାୟକ୍ରମେ ଆପଣଙ୍କ ଗଣିତର ସମାଧାନ କରିବ। ବର୍ତ୍ତମାନ ପର୍ଯ୍ୟନ୍ତ ଏହି ଆପକୁ ୧୦୦ ମିଲିୟନରୁ ଅଧିକ ଲୋକ ଡାଉନଲୋଡ କରିସାରିଛନ୍ତି। ଏହି ଆପ୍ ସମୂର୍ଣ୍ଣ ମାଗଣା ରହିଛି।
Comments are closed.