ଘଣ୍ଟାପଡା : କଣ୍ଟାମାଳ ବ୍ଳକ ଘଣ୍ଟାପଡ଼ା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ କଣ୍ଟାମାଳ ନିର୍ବାଚନ ମଣ୍ଡଳୀ ସ୍ୱେଚ୍ଛାସେବୀ ସଙ୍ଗଠନର ଆହ୍ୱାନକ୍ରମେ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ମନମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ସହନିର୍ଦ୍ଦେଶକ ଡା. ମହେନ୍ଦ୍ର ସୋଏ, ଘଣ୍ଟାପଡ଼ା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ଚିକିତ୍ସାଧିକାରୀ ଡା. ଶୁଭମ ମିଶ୍ର, ଖୁଣ୍ଟିଗୋରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ଚିକିତ୍ସାଧିକାରୀ ଡା.ଆନନ୍ଦ ଭୁଏ ଏବଂ ସମାଜସେବୀ ନିଳାଚଳ ଭୋଇ ଯୋଗଦେଇ ଅନୁଷ୍ଠାନିକ ଭାବେ ଶିବିରକୁ ଉଦଘାଟନ କରିଥିଲେ।
ବଲାଙ୍ଗିର ଭୀମଭୋଇ ବଡ଼ ଡ଼ାକ୍ତରଖାନା ପକ୍ଷରୁ ରକ୍ତଭଣ୍ଡାର ବିଶେଷଜ୍ଞଙ୍କ ଦ୍ଵାରା ରକ୍ତ ସଂଗ୍ରହ କରାଯାଇଥିବା ବେଳେ ଶିବିରରେ ସର୍ବମୋଟ ୪୫ ୟୁନିଟ ରକ୍ତ ସଂଗୃହିତ ହୋଇଛି । ଝିପିଝିପି ବର୍ଷା ସତ୍ତ୍ୱେ ଅଞ୍ଚଳର ରକ୍ତଦାତା ଯୋଗଦେଇ ରକ୍ତଦାନ କରିଥିବା ଦେଖିବାକୁ ମିଳିଥିଲା । ଦେବେନ୍ଦ୍ର କୁମାର ସାହୁ, ଲୋକେଶ ଭୋଇ, ଗୋପ ରଣା, ସବ୍ୟସାଚୀ ବନଛୋର, ନିରଞ୍ଜନ ମଲିକ ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ ।
