ଗଞ୍ଜାମ : ଗଞ୍ଜାମ ଜିଲ୍ଲା ରମ୍ଭା ଥାନା ଅନ୍ତର୍ଗତ ହୁମା ଓ ଋଷିକୁଲ୍ୟା ଜଳ ସେଚନ ଉପ ବିଭାଗ ଅଫିସ ମଧ୍ୟରେ ୧୬ନମ୍ବର ଜାତୀୟ ରାଜପଥରେ ଗତକାଲି ବିଳମ୍ବିତ ରାତ୍ରରେ କାଜୁ ବ୍ୟବସାୟୀଙ୍କ ଉପରେ ଗୁଳିମାଡ଼ ହୋଇଥିବା ନେଇ ଅଭିଯୋଗ ହୋଇଛି। ଦୁଇ ଜଣ ଦୁର୍ବୃତ୍ତ ଏକ ବାଇକରେ ଆସି କାରରେ ବସି ଥିବା ଚାରି ଜଣଙ୍କ ମଧ୍ୟରୁ ଗୌରବ ସେଠୀ ନାମକ ଜଣେ କାଜୁ ବ୍ୟବସାୟୀଙ୍କ ଉପରକୁ ଗୁଳିମାଡ଼ ବେଳେ ଅଳ୍ପକେ ବର୍ତ୍ତିଯାଇଛନ୍ତି ବ୍ୟବସାୟୀମାନେ।
ପୁଲିସ ଗୁରୁବାର ଦିନ ଘଟଣାସ୍ଥଳରେ ପହଂଚି ଦୁଇଟି ଖୋଖା ସହ ବ୍ୟଵସାୟୀ ମାନେ ବ୍ୟବହାର କରଥିବା ଏକ କାରକୁ ହୁମ୍ମା ଫାଣ୍ଡି ପୁଲିସ ଜବତ କରି ତଦନ୍ତ ଜାରି ରଖିଛି। ଦୁର୍ବୃତ୍ତମାନେ ବାଇକରେ ଆସି କାରକୁ ପିଛା କରି ଗୁଳି ଫୁଟାଇଥିଲେ। କାରର ମିରରରେ ଗୁଳି ବାଜିଛି। ଭୟରେ କାର ଛାଡ଼ି ବ୍ୟବସାୟୀ ମାନେ ଦୌଡ଼ି ପଳେଇ ଯାଇଥିଲେ। ଏନେଇ ହୁମ୍ମା ଫାଣ୍ଡିରେ କେଶ ନମ୍ବର ୭୭୩/୨୪ ରେ ମାମଲା ରୁଜୁ ହୋଇଛି। ଘଟଣାସ୍ଥଳରେ ଏସଡିପିଓ ଗୌରହରି ସାହୁ, ରମ୍ଭା ଥାନା ଅଧିକାରୀ, ସାଇଣ୍ଟିଫେଟିକ ଟିମ ପହଁଚି ଅଧିକ ତଦନ୍ତ ଜାରି ରହିଛି। ପ୍ରକାଶ ଥାଉକି ରମ୍ଭା ଥାନା ଅଞ୍ଚଳରେ ଗତ କିଛି ଦିନ ମଧ୍ୟରେ ୧୦ରୁ ଅଧିକ ମନ୍ଦିରରୁ ଚୋରି ହୋଇଛି। ବର୍ତମାନ ଏହି ଘଟଣା ପୁଲିସଙ୍କୁ ଏକ ପ୍ରକାର ଖୋଲା ଚ୍ୟାଲେଞ୍ଜ ହୋଇଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।
Pay Online
Comments are closed.