ପଦ୍ମପୁର : ପଦ୍ମପୁର ପୁଲିସକୁ ବଡ଼ ସଫଳତା ମିଳିଛି । ପଦ୍ମପୁର ପୁଲିସ ଗତ ୧୫ ତାରିଖ ଦିନ ବିଳମ୍ବିତ ରାତିରେ ଚୋରା ଗଞ୍ଜେଇ ସହ ଟ୍ରକ,ବୋଲେରୋ ସହ ତିନି ଜଣକୁ ଗିରଫ କରିଛି । ସୂଚନା ଅନୁଯାୟୀ ପଦ୍ମପୁର ପୁଲିସ ଗତକାଲି ରାତିରେ ପେଟ୍ରୋଲିଂ କରୁଥିବା ସମୟରେ ଗଜପତି ଜିଲା ଆର ଉଦୟଗିରି ଗ୍ରାମଠାରୁ ହରିଆଣା ରାଜ୍ୟ ଯାଉଥିବା ଏକ ଟ୍ରକ ନମ୍ବର ଏଚ ଆର ୩୭ଡି ୩୪୭୯ ଏବଂ ବୋଲେରୋ ନମ୍ବର ଓଡି ୨୧ ୭୦୫୫ ଗାଡିକୁ ଅଟକାଇ ତିନି ଜଣଙ୍କୁ ଥାନାକୁ ନେଇ ପଚରାଉଚରା କରିଥିଲା । ଗାଡିକୁ ଥାନାକୁ ଅଣାଯାଇଥିଲା । ସେଥିରେ ୬ଟି ଅଖାରେ ୧୯୨ କେଜି ୯୦୦ ଗ୍ରାମ ଚୋରା ଗଞ୍ଜେଇ ଯାଉଥିଲା ।
ତା ପାଖରୁ ଚାରୋଟି ମୋବାଇଲ ଫୋନ ଓ ୨୧୭୦ ଟଙ୍କା ,ଆଧାର କାର୍ଡ, ଭୋଟ ପରିଚୟ ପତ୍ର, ଏଟିଏମ କାର୍ଡ ପୁଲିସ ଜବତ କରିଛି । ଏଥିରେ ସମ୍ପୃକ୍ତ ଥିବା ତିନି ଜଣକୁ ଗିରଫ କରି କୋର୍ଟ ଚାଲାଣ କରିଛି ପୁଲିସ । ପଦ୍ମପୁର ତହସିଲଦାର ଦୀପ୍ତିମୟୀ ପାତ୍ର ଥାନାକୁ ଆସି ଜବତ ଗଞ୍ଜେଇକୁ ଓଜନ କରିଥିଲେ । ସମୁଦାୟ ଗଞ୍ଜେଇର ଆନୁମାନିକ ମୂଲ୍ୟ ୧୯ ଲକ୍ଷ ୨୦ ହଜାର ଟଙ୍କା ହେବ ବୋଲି ପୁଲିସ ସୂଚନା ଦେଇଛି । ପଦ୍ମପୁର ଥାନାରେ କେସ ନମ୍ବର ୧୪୧ /୨୦୨୪ ଏନଡିପିଏସ ଧାରା ଅନୁସାରେ ମାମଲା ରୁଜୁ କରି ଜବତ ଚୋରା ଗଞ୍ଜେଇ ସହ ତିନି ଜଣକୁ ଗିରଫ କରି ଗୁଣପୁର କୋର୍ଟ ଚାଲାଣ କରିଥିବା ନେଇ ପଦ୍ମପୁର ଥାନା ଅଧିକାରୀ ରଞ୍ଜନ କୁମାର ମାଝୀ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
