କେନ୍ଦୁଝରଗଡ଼: କେନ୍ଦୁଝର ସଦର ବ୍ଲକ ପଦ୍ମପୁର ଅଞ୍ଚଳ ଧନଦାତ୍ରୀ ମା’ ଗଜଲକ୍ଷ୍ମୀଙ୍କ ପୂଜୋତ୍ସବ ପାଇଁ ବେଶ୍ ଉତ୍ସବମୁଖର ହୋଇଉଠିଛି। ଚଳିତବର୍ଷକୁ ମିଶାଇ ଏଠାରେ ଦୀର୍ଘ ୬୩ ବର୍ଷ ଧରି ଅନୁଷ୍ଠିତ ଏହି ପୂଜୋତ୍ସବକୁ ମନଭରି ଉପଭୋଗ ପାଇଁ ପଦ୍ମପୁର ସମେତ ଆଖପାଖ ୧୦ରୁ ଊର୍ଦ୍ଧ୍ବ ପଞ୍ଚାୟତବାସୀ ବର୍ଷତମାମ୍ ଚାହିଁ ରହିଥାନ୍ତି। ମହାଲକ୍ଷ୍ମୀ ପୂଜା କମିଟି ପଦ୍ମପୁର ପକ୍ଷରୁ ପୂଜାପଡ଼ିଆଠାରେ ଆୟୋଜିତ ଏହି ପୂଜୋତ୍ସବ ପ୍ରତିବର୍ଷ ଧୁମଧାମ୍ରେ ପାଳନ ହୋଇ ଆସୁଥିବାବେଳେ ଚଳିତବର୍ଷ ମଧ୍ୟ ବେଶ୍ ଆକର୍ଷଣୀୟ ଢଙ୍ଗରେ ପାଳନ କରାଯାଉଛି। ବୁଧବାର ସକାଳୁ ଏହି ପୂଜୋତ୍ସବ ଯଥାବିଧି ଆରମ୍ଭ ହୋଇଛି। ଚଳିତମାସ ୧୭ ଓ ୧୮ ତାରିଖ ଦୁଇଦିନ ଧରି କଟକର ଜଗନ୍ନାଥ ଡ୍ୟାନ୍ସ ଗ୍ରୁପ୍ ପକ୍ଷରୁ ନୃତ୍ୟଗୀତ ପରିବେଷଣ ହେବାକୁ ଥିବାବେଳେ ୧୯ରୁ ୨୩ତାରିଖ ପର୍ଯ୍ୟନ୍ତ ୫ ଦିନବ୍ୟାପୀ ଅପେରା ‘କଳିଙ୍ଗ ଗଣନାଟ୍ୟ’ ପ୍ରଦର୍ଶିତ ହେବ ବୋଲି ଆୟୋଜକଙ୍କ ପକ୍ଷରୁ କୁହାଯାଇଛି। ଆସନ୍ତା ୨୫ ତାରିଖ ଭସାଣି ପର୍ଯ୍ୟନ୍ତ ୧୦ଦିନବ୍ୟାପୀ ପ୍ରତି ସନ୍ଧ୍ୟାରେ ମୀନାବଜାର ଆୟୋଜନ ପୂଜାବଜାରକୁ ଅଧିକ ସରଗରମ କରିଛି। ଶାନ୍ତିଶୃଙ୍ଖଳା ରକ୍ଷା କରି ଏହି ପୂଜୋତ୍ସବକୁ ଆନନ୍ଦଉଲ୍ଲାସର ସହ ପାଳନ ପାଇଁ ପୂଜା କମିଟି ସଭାପତି ବିଜୟ କୁମାର ସାହୁ, ଉପସଭାପତି ନାରାୟଣ ଚନ୍ଦ୍ର ସାହୁ, ସମ୍ପାଦକ ଉତ୍ତମ କୁମାର ସାହୁ, ପୂଜା କମିଟି ସଦସ୍ୟ ପ୍ରବୀଣ କୁମାର ସାହୁ, ମନୋରଞ୍ଜନ ସାହୁ, ସିଦ୍ଧାର୍ଥ କୁମାର ସାହୁ ପ୍ରମୁଖ ଅନୁରୋଧ କରିଛନ୍ତି।
Popular Categories
Previous article
Next article