ପାଟଣା : ପାଟଣା ବନାଞ୍ଚଳରେ ୪ ଦିନ ହେଲା ଡେରା ପକାଇଥିବା ୨୫ ଟିକିଆ ହାତୀପଲ ଭୋରରୁ ପାଟଣା ନିକଟସ୍ଥ ମାଧପୁର ଜଙ୍ଗଲକୁ ଆସି ଡେରା ପକାଇଛନ୍ତି। ଆଜି ସୂର୍ଯ୍ୟୋଦୟ ପରେ ପରେ ଏହି ହାତୀପଲ ମାଧପୁର ଜଙ୍ଗଲରେ ଥିବା ଏକ ବଡ ପୋଖରୀରେ ପଶି ଜଳକ୍ରୀଡ଼ା କରିବା ସହ ନିଜ ନିଜ ମଧ୍ୟରେ ମଉଜ ମସ୍ତି କରୁଥିବା ଦେଖିବାକୁ ମିଳିଥିଲା। ଏହି ହାତୀପଲଙ୍କ ଜଳକ୍ରୀଡ଼ା ଦେଖିବା ପାଇଁ ଶହ ଶହ ଲୋକେ ମାଧପୁର ଜଙ୍ଗଲକୁ ଯାଇଥିଲେ। ତେବେ ପାଟଣା ବନବିଭାଗ ଏହି ହାତୀପଲଙ୍କ ଉପରେ ନଜର ରଖିବା ସହ ହାତୀପଲଙ୍କୁ ନଚିଡାଇବାକୁ ଲୋକଙ୍କୁ ଅପିଲ କରିଥିବା ଦେଖାଯାଇଥିଲା। ସନ୍ଧ୍ୟାରେ ହାତୀପଲ ଝାଟିପଡା ଜଙ୍ଗଲରେ ଥିବା ଜଣାପଡିଛି। ପାଖ ଜଙ୍ଗଲରେ ଏହି ହାତୀ ପଲ ଥିବାରୁ ଆଖପାଖ ଗ୍ରାମବାସୀ ଭୟରେ ଥିବା ଜଣାପଡିଛି।
Comments are closed.