ଜି.ଉଦୟଗିରି: ବିଦ୍ୟାଳୟ ପରିବେଶକୁ ସ୍ବଚ୍ଛ ଏବଂ ସୁନ୍ଦର ରଖି ଛାତ୍ରଛାତ୍ରୀମାନଙ୍କୁ ପାଠପଢ଼ା ପ୍ରତି ଆକୃଷ୍ଟ କରିବା ସହ ଆଧୁନିକ ପ୍ରଣାଳିରେ ଶିକ୍ଷା ପ୍ରଦାନ ନିମନ୍ତେ ରାଜ୍ୟ ସରକାର ୫-ଟି ଯୋଜନାରେ ଏବେ ବିଦ୍ୟାଳୟ ନିର୍ମାଣ କରୁଛନ୍ତି। କନ୍ଧମାଳ ଜିଲା ରାଇକିଆ ପଞ୍ଚାୟତ ସମିତି ଅନ୍ତର୍ଗତ ଆଡାଶିକୁପା ପଞ୍ଚାୟତ ସ୍ଥିତ ଜୀବନଜ୍ୟୋତି ଉଚ୍ଚ ବିଦ୍ୟାଳୟ ମଧ୍ୟ ୫-ଟି ରୁପାନ୍ତରିତ ହୋଇଛି। ହେଲେ ଏହି ବିଦ୍ୟାଳୟରେ ବର୍ଷା ଜଳ ନିଷ୍କାସନର ସୁବିଧା ନାହିଁ। ତେଣୁ ଆଜିର ପ୍ରବଳ ବର୍ଷାରେ ବର୍ଷା ବିଦ୍ୟାଳୟ ଚତୁଃପାର୍ଶ୍ବ ଜଳ ମଗ୍ନ ହୋଇଯାଇଥିଲା। ଫଳରେ ଛାତ୍ରଛାତ୍ରୀଙ୍କ ପାଠପଢ଼ାରେ ବ୍ୟାହତ ସୃଷ୍ଟି ହୋଇଥିଲା।
ତେବେ ଏଠି ପ୍ରଶ୍ନ ଉଠୁଛି ଯେ ଲକ୍ଷଲକ୍ଷ ଟଙ୍କା ଖର୍ଚ୍ଚ କରି ନିର୍ମାଣ କରାଯାଇଥିବା ଏହି ବିଦ୍ୟାଳୟରୁ ବର୍ଷା ଜଳ ନିଷ୍କାସନ ନିମନ୍ତେ କୌଣସି ବ୍ୟବସ୍ଥା କରିବାକୁ ଭୁଲିଗଲେ କେମିତି? ଏଥିପ୍ରତି ପ୍ରଶାସନ ଓ ଠିକାଦାର କେହି ବି ଜାଣି ପାରିଲେନି ନା ଉଭୟଙ୍କ ମଧୁ ଚନ୍ଦ୍ରିକାରେ କାର୍ଯ୍ୟ ସମ୍ପୂର୍ଣ୍ଣ କରାଯାଇଛି ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି। ଏପରି ଅବ୍ୟବସ୍ଥା ଯୋଗୁଁ ଅଭିଭାବକ ମହଲରେ ଏସବୁ ନେଇ ଆଲୋଚନା ଚାଲିଥିବା ବେଳେ ପ୍ରଶାସନ କେବେ ଏହି ବିଦ୍ୟାଳୟରୁ ବର୍ଷା ଜଳ ନିଷ୍କାସନର ବ୍ୟବସ୍ଥା କରୁଛନ୍ତି ତାହା ଦେଖିବାକୁ ବାକି ରହିଲା।
