ଜି.ଉଦୟଗିରି: ଅଜଣା ଗାଡ଼ି ଧକ୍କାରେ ଗୁରୁତର ହୋଇ ଚିକିତ୍ସିତ ହେଉଥିବା ଜଣେ ଖବର କାଗଜ ବିତରକଙ୍କ ଶନିବାର ରାତିରେ ମୃତ୍ୟୁ ଘଟିଛି। ମୃତ ବିତରକଙ୍କ ନାଁ ହରିହର ସାହୁ ବୋଲି ଜଣାପଡ଼ିଛି।
ବିବରଣୀରୁ ପ୍ରକାଶ ଯେ, ନଭେମ୍ବର ୨୫ତାରିଖ ଦିନ ଭୋର ସମୟରେ ଖବରକାଗଜ ବିତରଣ କରୁଥିବା ସମୟରେ ଅଜଣା ଗାଡ଼ି ଧକ୍କା ଦେବା ପରେ ନୂତନ ହାଟପଦା ନିକଟରେ ପଡିରହିଥିବା ଅବସ୍ଥାରେ ତାଙ୍କୁ ଜି ଉଦୟଗିରି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ବର ପଠାଯାଇଥିଲା। ମୁଣ୍ଡ ଓ ନାକରେ ଆଘାତ ଲାଗି ମୁଣ୍ଡରେ ରକ୍ତ ଜମାଟ ବାନ୍ଧିଥିବାରୁ ସେଠାରେ ତାଙ୍କର ଅସ୍ତ୍ରୋପଚାର ହୋଇଥିଲା। ଅସ୍ତ୍ରୋପଚାର ସଫଳ ହୋଇନଥିବାରୁ ଶନିବାର ରାତି ପ୍ରାୟ ୧୦.୩୦ସମୟରେ ତାଙ୍କର ମୃତ୍ୟୁ ଘଟିଛି।
