ଆର୍ଥିକ ସାକ୍ଷରତା ପ୍ରତିଯୋଗିତା : ୨ୟ ସ୍ଥାନରେ ଅର୍ଜୁନ ସୁବୁଦ୍ଧି ଉଚ୍ଚ ବିଦ୍ୟାଳୟର ୨ଶିକ୍ଷାର୍ଥୀ 

ତିଗିରିଆ :  ଭାରତୀୟ ରିଜର୍ଭ ବ୍ୟାଙ୍କ ଆନୁକୁଲ୍ୟରେ କଲିକତା ଠାରେ ଅନୁଷ୍ଠିତ  ଜି-୨୦ ଅନ୍ତର୍ଗତ ଭାରତୀୟ ଆର୍ଥିକ ସାକ୍ଷରତା ଉପରେ ହୋଇଥିବା ଜୋନ ସ୍ତରୀୟ କୁଇଜ ପ୍ରତିଯୋଗୀତାରେ ତିଗିରିଆ ବ୍ଲକ ଅନ୍ତର୍ଗତ ନୂଆପାଟଣାସ୍ଥିତ ଅର୍ଜୁନ ସୁବୁଦ୍ଧି ଉଚ୍ଚ ବିଦ୍ୟାଳୟ ଭାଗ ନେବା ସହିତ ଦ୍ଵିତୀୟ ସ୍ଥାନ ଅଧିକାର କରି ରନର୍ସ ଅପ  ଆଖ୍ୟା ଲାଭ କରିଛନ୍ତି। ପ୍ରତିଯୋଗିତାରେ ବିଦ୍ୟାଳୟର ଦୁଇ ମେଧାବୀ ଛାତ୍ରଛାତ୍ରୀ ସଚ୍ଚିଦାନନ୍ଦ ବେହେରା ଓ ରିତିକା ପ୍ରିୟଦର୍ଶିନୀ ସୋମବାର ଅନୁଷ୍ଠିତ କାର୍ଯ୍ୟକ୍ରମରେ ଭାଗ ନେଇଥିଲେ। ସୂଚନା ଯୋଗ୍ୟ ଦୁହେଁ ରାଜ୍ୟସ୍ତରରୁ ବିଜେତା ହୋଇ ଜୋନ ସ୍ତରରେ ପ୍ରବେଶ କରିଥିଲେ।