ନ୍ୟୁୟର୍କ . – ସାମାଜିକ ଗଣମାଧ୍ୟମ ତଥା ବିଭିନ୍ନ ସ୍ମାର୍ଟ ଫୋନ୍ରେ ବନ୍ଧୁତା ପାଇଁ ବିଭିନ୍ନ ଆପ୍ ପ୍ରସିଦ୍ଧ । ମାତ୍ର ଏପରି ଏକ ଆପ୍ରେ ବନ୍ଧୁତା କରିବା ଜଣେ ଯୁବତୀଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ଏଥିପାଇଁ ସେ ନିଜର ଜୀବନ ହରାଇଛନ୍ତି । ଏପରି ଘଟଣା ଆମେରିକାର ନେବ୍ରାସ୍କାରେ ଘଟିଛି । ଯୁବତୀଙ୍କ ଶବ ୧୪ ଖଣ୍ଡ କରି ଅଭିଯୁକ୍ତ ଫିଙ୍ଗିଥିବା ବେଳେ ପୁଲିସ ଏହାକୁ ଉଦ୍ଧାର କରିଛି । ଅଭିଯୁକ୍ତକୁ ଗିରଫ କରାଯାଇଛି ।
ନେବ୍ରାସ୍କାର ଆମୋହା ଅଞ୍ଚଳରେ ୨୪ ବର୍ଷୀୟା ସିଡ୍ନୀ ଲୁଫେ ଏକ ସାମାଜିକ ଗଣମାଧ୍ୟମ ସାଇଟ୍ରେ ବନ୍ଧୁତା କରିଥିଲେ । ୫୨ ବର୍ଷୀୟ ଆବ୍ରେ ଟ୍ରେଲ୍ଙ୍କ ସହ ସେ ବନ୍ଧୁତା କରିଥିଲେ । ପରେ ସେମାନଙ୍କ ମଧ୍ୟରେ ମିଳାମିଶା ହୋଇଥିଲା । ମିଳାମିଶା ବେଳେ ଲୁଫେଙ୍କର ମୃତ୍ୟୁ ହୋଇଥିବା ଆବ୍ରେ ବୟାନ ଦେଇଛନ୍ତି । ମାତ୍ର ପୁଲିସ ଏହାକୁ ଗ୍ରହଣ କରିପାରି ନାହିଁ । ଆବ୍ରେଙ୍କ ସହ ତାଙ୍କର ଆଉଜଣେ ବାନ୍ଧବୀଙ୍କୁ ପୁଲିସ ଗିରଫ କରିଛି । ଲୁଫେଙ୍କୁ ଫସାଇ ହତ୍ୟାକରାଯାଇଛି ବୋଲି ପୁଲିସ ସୂଚନା ଦେଇଛି । ଏହି ହତ୍ୟା ମାମଲା ପ୍ରମାଣିତ ହେଲେ ଆବ୍ରେଙ୍କୁ ମୃତ୍ୟୁଦଣ୍ଡ ହେବାର ସମ୍ଭାବନା ଅଧିକ ବୋଲି ସରକାରୀ ଆଇନଜୀବୀ ସୂଚନା ଦେଇଛନ୍ତି।
ଆଲେଖ୍ୟ ଓ ଗ୍ରାଫିକ୍ସ – ଜିତ୍ ପଟ୍ଟନାୟକ
