ବୁର୍ଲା : ବୁର୍ଲା ଭିମସାରର ନେଫ୍ରୋଲୋଜି ବିଭାଗରେ ପୁଣି ଡ଼ାଏଲସିସର ଅଚଳାବସ୍ଥା ଦେଖିବାକୁ ମିଳିଛି । ଡାଇଲିସିସ ଅଚଳାବସ୍ଥା ଯୋଗୁଁ ରୋଗୀଙ୍କ ମୃତ୍ୟୁ ଅଭିଯୋଗ ତ ଆଉ କେତେବେଳେ ପରୀକ୍ଷା ମେସିନ ଅଚଳାବସ୍ଥାକୁ ନେଇ ଅଶାନ୍ତି ଦେଖାଦେବା ଭିମସାରର ନିତିଦିନର ଘଟଣା ହୋଇ ଯାଇଛି । ବିଶେଷଜ୍ଞ ନଥିବା ନେଫ୍ରୋଲୋଜି ବିଭାଗରେ ସମସ୍ତ ଡାଇଲିସିସ ମେସିନ ଅଚଳ ହୋଇ ପଡିଥିବା ନେଇ ରୋଗୀ ମହଲରେ ଭାଲେଣି ପଡ଼ିବା ସହିତ ଆତ୍ମୀୟ ପ୍ରିୟଜନ ମାନଙ୍କ ମୁଣ୍ଡରେ ଚିନ୍ତା ମାଡ଼ି ବସିଛି । ଏଭଳି ଅବ୍ୟବସ୍ଥା ଯୋଗୁଁ ବୁର୍ଲା ଭିମସାରରେ ଚିକିତ୍ସା ବାଧାପ୍ରାପ୍ତ ହେଉଛି । ତେବେ ବତ୍ତମାନ ବୁର୍ଲା ଭିମସାରରେ କାର୍ଯ୍ୟକ୍ଷମ ରହିଥିବା ପ୍ରାୟ ୪ଟି ଡାଇଲିସିସ ମେସିନ ମଧ୍ୟରୁ ଗୋଟିଏ କାମ କରୁନାହିଁ । ଗୁରୁତର କିଡ଼ନୀ ରୋଗୀ ବା ସିକେଡ଼ି(କ୍ରୋନିକ କିଡ଼ନି ଡ଼ିଜିଜ୍) ରୋଗରେ ପିଡ଼ିତ ରୋଗୀମାନେ ଡାଇଲିସିସ ମେସିନ ଅଚଳ ଯୋଗୁଁ ହସ୍ପିଟାଲ ଛାଡି ଅନ୍ୟତ୍ର ଯିବାକୁ ବାଧ୍ୟ ହେଉଛନ୍ତି ।
ଏନେଇ ବୁର୍ଲା ଭିମସାର ଅଧ୍ୟକ୍ଷ ପ୍ରଫେସର ଡ଼ଃ ଜୟଶ୍ରୀ ଦୋରାଙ୍କୁ ଯୋଗାଯୋଗ କରାଯିବାରୁ ସେ ଏହି ଘଟଣାକୁ ସ୍ୱୀକାର କରିବା ସହିତ ଖୁବଶୀଘ୍ର ଏହାର ମରାମତି କରାଯିବା ଉପରେ ସ୍ପଷ୍ଟିକରଣ ଦେଇଥିଲେ । ଏହା ସହିତ ଏହି ସମସ୍ୟାକୁ ଦୁରିଭୁତ କରିବା ପାଇଁ ଆରଓ ପ୍ଲାଣ୍ଟର କ୍ଷମତା ବୃଦ୍ଧି କରାଯିବା ସୂଚନା ଦେଇଛନ୍ତି।
