ଚୌଦ୍ୱାର: ଚୌଦ୍ୱାରସ୍ଥିତ କିଶୋର ନିଶାମୁକ୍ତି ଓ ପୁନର୍ବାସ କେନ୍ଦ୍ର ‘ପରିବର୍ତ୍ତନ’ ଅନୁଷ୍ଠାନର ଅନ୍ତେବାସୀମାନଙ୍କ ପାଇଁ ଏକ ଦାତବ୍ୟ ସ୍ୱାସ୍ଥ୍ୟସେବା ଶିବିର ଅନୁଷ୍ଠିତ ହୋଇ ଯାଇଛି । ଜଗତପୁର ଇମାମ ନଗରସ୍ଥିତ ସହରାଞ୍ଚଳ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ତରଫରୁ ଆୟୋଜିତ ଏହି ଶିବିରରେ ଡା. ସୌମ୍ୟ ରଞ୍ଜନ ନାୟକ, ସତ୍ୟବ୍ରତ ପଣ୍ଡା, ରଶ୍ମିତା ବେହେରା, ରୀନା ସାମଲ, ରଞ୍ଜନ ରାଉତ ପ୍ରମୁଖ ପରିବର୍ତ୍ତନ କେନ୍ଦ୍ରର ୨୭ ଜଣ ଅନ୍ତେବାସୀ ଓ କର୍ମଚାରୀମାନଙ୍କ ସ୍ୱାସ୍ଥ୍ୟ ପରୀକ୍ଷା, ରକ୍ତ ଓ ଅନ୍ୟାନ୍ୟ ଆନୁସଂଗିକ ପରୀକ୍ଷା କରିବା ସହ ଔଷଧ ବଣ୍ଟନ କରିଥିଲେ ।
ଉଦ୍ଧାର ଫାଉଣ୍ଡେସନର ଅଧ୍ୟକ୍ଷା ଭାରତୀ ଦାସ ଆନୁଷ୍ଠାନିକ ଭାବେ ଶିବିରକୁ ଉଦଘାଟନ କରିଥିଲେ । ‘ପରିବର୍ତ୍ତନ’ର ଅଧ୍ୟକ୍ଷ ନରୋତ୍ତମ ଦାସ, ବଦ୍ରୀ ନାରାୟଣ ଅଧିକାରୀ, ପ୍ରିୟଙ୍କା ଦାସ, ସୁବ୍ରତ ଖଟୁଆ ପ୍ରମୁଖ ଶିବିର ପରିଚାଳନା କରିଥିଲେ ।
