ଏକ ନବଜାତ ଶିଶୁ ଜନ୍ମ ହେଉ ହେଉ ଚର୍ଚ୍ଚାର ବିଷୟ ପାଲଟି ଯାଇଛି। ଏହା କୌଣସି ସାଧାରଣ ଶିଶୁ ନୁହେଁ। ଲୋକେ ଏହାକୁ ପ୍ରକୃତିର ବିସ୍ମୟ ବୋଲି ମଧ୍ୟ କହିଛନ୍ତି। ଏହି ଘଟଣା ଉତ୍ତରପ୍ରଦେଶ ସ୍ଥିତ ଗୋରଖପୁର ଜିଲାର।
ଏହି ନବଜାତ ଅନ୍ୟମାନଙ୍କ ଠାରୁ ଭିନ୍ନ। କାରଣ ଏହି ଶିଶୁର ଚାରୋଟି ଗୋଡ଼ ଓ ଦୁଇଟି ଲିଙ୍ଗ ରହିଛି। ଏହି ଶିଶୁକୁ ଦେଖି ହସ୍ପିଟାଲର ଡାକ୍ତରଙ୍କ ସମେତ ସାରା ଗାଁ ଲୋକେ ଏହା ଏକ ଅଦ୍ଭୁତ ସୃଷ୍ଟି ବୋଲି କହିଛନ୍ତି। ସୂଚନା ଅନୁସାରେ, ଗୋରଖପୁର ଜିଲା ସ୍ଥିତ ହରପୁର ବୁଦ୍ହଟ୍ ଥାନା ଅଞ୍ଚଳର ଜିଗିନା ଗ୍ରାମରେ ଭୁଲନ ନିଷାଦ ଜଣେ ଦିନ ମଜୁରିଆ ଭାବେ କାମ କରନ୍ତି। ଭୁଲନଙ୍କ ପତ୍ନୀ ରମ୍ଭାଙ୍କ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ସ୍ଥାନୀୟ ସ୍ୱାସ୍ଥ୍ୟକେନ୍ଦ୍ରକୁ ନିଆ ଯାଇଥିଲା। ଶନିବାର ଭୁଲନଙ୍କ ପତ୍ନୀ ଏକ ଶିଶୁକୁ ଜନ୍ମ ଦେଇଥିଲେ। ଏହି ଶିଶୁର ଦୁଇଟି ବଦଳରେ ଚାରୋଟି ଗୋଡ଼ ଓ ଦୁଇଟି ଲିଙ୍ଗ ରହିଛି। ଏହି ଶିଶୁ ବିଷୟରେ ଯେତେବେଳେ ଗ୍ରାମବାସୀ ଖବର ପାଇଲେ ସେତେବେଳେ ତାକୁ ଦେଖିବା ପାଇଁ ଡାକ୍ତରଖାନାରେ ଭିଡ଼ ଜମାଇଥିଲେ। ହେଲେ ଶିଶୁର ସ୍ୱାସ୍ଥ୍ୟାବସ୍ଥା ଦେଖି ସେଠାକାର ଡାକ୍ତର ତାକୁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇ ଦେଇଥିଲେ।
ଜନ୍ମ ନେଲା ଚାରି ଗୋଡ଼ ବିଶିଷ୍ଟ ଅଦ୍ଭୁତ ଶିଶୁ
Popular Categories
Previous article
Next article