ସମ୍ବଲପୁର: ବିଶ୍ୱର ସର୍ବବୃହତ ଗଣତନ୍ତ୍ର ଭାରତରେ ସାଧାରଣ ନିର୍ବାଚନ ଚାଲିଛି । ଏହା ଉପରେ ସାରା ବିଶ୍ୱର ନଜର ରହିଥିବା ବେଳେ ସମ୍ବଲପୁରକୁ କିଛି ବିଦେଶୀ ରାଷ୍ଟ୍ରର ପ୍ରତିନିଧି ମାନେ ବୁଧବାର ପରିଦର୍ଶନରେ ଆସିଛନ୍ତି । ଏହି ପ୍ରତିନିଧି ମଣ୍ଡଳରେ ନେପାଳର ରାଜଦୂତ ଶ୍ରୀ ଶଙ୍କର ପ୍ରସାଦ ଶର୍ମା, ମରିସସର ହାଇକମିଶନର ଶ୍ରୀ ହୟମୋନଡୋୟାଲ ଡିଲୁମ, ସେସେଲ୍ସର ହାଇ କମିଶନର ଶ୍ରୀମତୀ ହରିସୋ ଲାଲତିଆନ ଆକଉଚେ, ଅଷ୍ଟ୍ରେଲିଆର ରାଜନୈତିକ କାଉନସିଲର ଶ୍ରୀ ଜନ ବୋନାର ଏବଂ ରୟାଲ ଡେନିସର ରାଜନୈତିକ କାଉନସିଲର ଶ୍ରୀ ଓଲେ ଭେଷ୍ଟଗାର୍ଡ ଆମ୍ସଟ୍ରପ ସାମିଲ ରହିଛନ୍ତି ।
ସର୍ବବୃହତ ଗଣତନ୍ତ୍ରରେ ନିର୍ବାଚନ କିଭଳି ଭାବରେ ପରିଚାଳିତ ହେଉଛି, ରାଜନୈତିକ ଦଳ ଗୁଡିକ କିଭଳି ଭାବରେ ପ୍ରଚାର ପ୍ରସାର କରୁଛନ୍ତି, ଜନସମ୍ପର୍କ ରକ୍ଷା କରୁଛନ୍ତି, କିଭଳି ଜନତାଙ୍କୁ ଉଦବୋଧନ ଦେଉଛନ୍ତି, କିଭଳି ଭାବରେ ସାମ୍ବାଦିକ ସମ୍ମିଳନୀ ପରିଚାଳନା କରୁଛନ୍ତି ଇତ୍ୟାଦି ବିଭିନ୍ନ ବିଷୟରେ ଅବଗତ ହେବା ପାଇଁ ଏହି ପ୍ରତିନିଧି ମଣ୍ଡଳ ଆଜି ସମ୍ବଲପୁରକୁ ଆସିଛନ୍ତି । ଜାତୀୟସ୍ତରରେ ଧ୍ୟାନ ଆକର୍ଷଣ କରିଥିବା ତଥା ରାଜ୍ୟର ସବୁଠାରୁ ହଟ୍ ସିଟରେ ପରିଣତ ଏହି ହାଇପ୍ରୋଫାଇଲ ଲୋକସଭା ଆସନରେ କିଭଳି ଭାବରେ ଜନତାଙ୍କୁ ରାଜନୈତିକ ଦଳମାନେ ନିଜ ପକ୍ଷକୁ ଆଣିବା ପାଇଁ ପ୍ରୟାସ କରୁଛନ୍ତି । ତାହା ଦେଖିବା ନିମନ୍ତେ ଏହି ପ୍ରତିନିଧି ମଣ୍ଡଳ ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନ ସମେତ ନିର୍ବାଚନୀ ସଭା ଇତ୍ୟାଦି ଗୁଡିକୁ ପରିଦର୍ଶନ କରି ପ୍ରତ୍ୟକ୍ଷ ରୂପେ ଏହି ନିର୍ବାଚନୀ ପ୍ରକ୍ରିୟାକୁ ପରଖୁଛନ୍ତି ।
ସେମାନେ ନିଜେ ଏହି ନିର୍ବାଚନୀ ପ୍ରକ୍ରିୟାକୁ ଦେଖି ଅନୁଭବ ନେବା ସହିତ ଆଗାମୀ ଦିନରେ ସେମାନଙ୍କର ଦେଶର ସରକାରଙ୍କୁ ଭାରତର ନିର୍ବାଚନ ପରିଚାଳନା ସମ୍ପର୍କରେ ଅବଗତ କରାଇବେ ବୋଲି ଜଣାପଡିଛି ।
ସମ୍ବଲପୁରରେ ବିଦେଶୀ ପ୍ରତିନିଧି ମଣ୍ଡଳ
Popular Categories
Previous article
Next article