ଗୁରୁଡିଝାଟିଆ : ଗୋବରା ପଞ୍ଚାୟତର ତାଳପଡିଆ ମହାବୀର କ୍ଳବ ପକ୍ଷରୁ ଆୟୋଜିତ ୭ମ ବାର୍ଷିକ ଫୁଟବଲ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଆଜି ସୋନିଆପଦା (ଟାଙ୍ଗି) ଓ କଖଡି ମଧ୍ୟରେ ଅନୁଷ୍ଠିତ ହୋଇଥିଲା । ତୀବ୍ର ପ୍ରତିଯୋଗିତାମୂଳ ଏହି ଖେଳରେ କଖଡିକୁ ହରାଇ ସୋନିଆପଦା ଚମ୍ପିଆନ ହୋଇଛି । ବିଧାୟକ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପ୍ରତିନିଧି ରଞ୍ଜନ କୁମାର ସ୍ୱାଇଁ ମୁଖ୍ୟ ଅତିଥି ଭାବେ ଯୋଗଦେଇ ଚମ୍ପିଆନ ଦଳକୁ ଟ୍ରଫି ପ୍ରଦାନ କରିବା ସହ ଉଭୟଦଳର ଖେଳାଳିଙ୍କ କ୍ରୀଡା ନୈପୁଣ୍ୟ ବେଶ ରୋମାଞ୍ଚଭରା ଥିଲା ବୋଲି କହିଥିଲେ। ସ୍ଥାନୀୟ ସରପଞ୍ଚଙ୍କ ପ୍ରତିନିଧି ତଥା ଯୁବ ସଂଗଠକ ପ୍ରଭାତ ଥାଟୋଇ, ସମିତିସଭ୍ୟା ବସୁମତି ଦିଗି ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ପ୍ରକାଶଯୋଗ୍ୟ ଏହି ଟୁର୍ଣ୍ଣାମେଣ୍ଟରେ ୩୨ଗୋଟି ଦଳ ଅଂଶଗ୍ରହଣ କରିଥିଲେ । ଶେଷରେ ଫାଇନାଲ ମ୍ୟାଚ ସୋନିଆପଦା ଓ କଖଡି ମଧ୍ୟରେ ଅନୁଷ୍ଠିତ ହୋଇଥିଲା।
Comments are closed.