ରେଙ୍ଗାଲି: ରେଙ୍ଗଲି ବ୍ଳକ ଖିଣ୍ଡା ପଞ୍ଚାୟତରେ ଥିବା ସ୍ବେଛାସେବୀ ସଂଗଠନ ମାତୃଭୂମି ପକ୍ଷରୁ ଆଜି କୋଭିଡ ମହାମାରୀର ଲକଡାଉନ୍ ସମୟରେ ଖିଣ୍ଡା ପଂଚାୟତ ଚାଲଟିକ୍ରା, ଦେମୂଳ ପଡା, ମଙ୍ଗଳ ବଜ଼ାର ରୋହିଦାସ ପଡା, ଖିଣ୍ଡା ଲୁହୁରା ପଡାରେ ସରକାରୀ ସହାୟତାରୁ ବଞ୍ଚିତ ୩୫ ଜଣ ଗରିବ ଓ ଅସହାୟ ବୃଦ୍ଧ ଓ ଦିବ୍ୟାଙ୍ଗମାନଙ୍କୁ ମାଗଣା ରାସନ ସାମଗ୍ରୀ ବଣ୍ଟନ କରାଯାଇଛି । ମାତୃଭୂମିର ସଭାପତି ହେମନ୍ତ କୁମାର ପାଣ୍ଡେ, କାର୍ୟକାରୀ ସଭାପତି ପିତାମ୍ବର ବିଶ୍ୱାଳ, ଉପସଭାପତି ଉମାକାନ୍ତ ନାଥଙ୍କ ସହିତ ସଂଗଠନର କର୍ମକର୍ତା ଭଗବାନ ରୋହିଦାସ, ପିଣ୍ଟୁ ରୋହିଦାସ, ପିତାମ୍ବର ରୋହିଦାସ, ଖିରୋଦ ରୋହିଦାସ, ସୁରେନ୍ଦ୍ର ରୋହିଦାସ ଓ ୱାର୍ଡ ସଭ୍ୟା, ଉଲ୍ଲାସ ରୋହିଦାସ ଏବଂ ପ୍ରେମଳତା ଡନସେନା ପ୍ରମୁଖ ବୁଲି ବୁଲି ରାସନ ସାମଗ୍ରୀ ବଣ୍ଟନ କରିଥିଲେ । ଗତ ୧୭ ତାରିଖ ଦିନ ମାତୃଭୂମି ଏବଂ କର୍ମଜୀବୀ ଏକତା ସଂଗଠନର ମିଳିତ ଆନୁକୂଲ୍ୟରେ ଖିଣ୍ଡା, ପତରାପାଲି ଓ ମଳଦା ଗ୍ରାମପଂଚାୟତର ୧୦୩ ଜଣ ଅସହାୟମାନଙ୍କୁ ମାଗଣା ରାସନ ସାମଗ୍ରୀ ବଣ୍ଟନ କରାଯାଇଥିଲା। ଆଗାମୀ ଦିନରେ ମଧ୍ୟ ଅସହାୟମାନଙ୍କୁ ମାତୃଭୂମି ସଂଗଠନ ତରଫରୁ ଅନୁରୂପ ଭାବରେ ସାହାଯ୍ୟ କରାଯିବା ପାଇଁ ସଭାପତି ହେମନ୍ତ କୁମାର ପାଣ୍ଡେ ପ୍ରକାଶ କରିଛନ୍ତି ।
Comments are closed.