ଆମ୍ବରସ ଆଳୁ

ଆବଶ୍ୟକ ସାମଗ୍ରୀ
ଛୋଟ ସିଝା ଆଳୁ – ୫୦୦ ଗ୍ରାମ
ଆମ୍ବ ରସ – ୨୫୦ ଗ୍ରାମ
ହେଙ୍ଗୁ – ଅଳ୍ପ
ରସୁଣ ବଟା – ୨ ଚାମଚ
ଲଙ୍କା ଗୁଣ୍ଡ – ୧ ଚାମଚ
ଅଦା ବଟା – ୧ ଚାମଚ
ଜିରା – ଅଳ୍ପ
କଟା ପିଆଜ – ୧ଟି
ହଳଦୀ ଗୁଣ୍ଡ – ଅଳ୍ପ
ଗରମ ମସଲା – ୧ ଚାମଚ
ଲେମ୍ବୁ ରସ – ୧ ଚାମଚ
ଲୁଣ – ଆବଶ୍ୟକ ପରିମାଣରେ
ତେଲ – ଆବଶ୍ୟକ ପରିମାଣରେ
ପ୍ରସ୍ତୁତି ପ୍ରଣାଳୀ – ପ୍ରଥମେ ଗ୍ୟାସରେ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଜିରା ପକାଇ ଭାଜନ୍ତୁ । ଜିରା ଭାଜି ହେବା ପରେ କଟା ପିଆଜ ପକାଇ ଭାଜନ୍ତୁ। କିଛି ସମୟ ଭାଜିବା ପରେ ଅଦା ରସୁଣ ବଟା, ହଳଦୀ ଗୁଣ୍ଡ, ଲୁଣ, ହେଙ୍ଗୁ, ଲଙ୍କା ଗୁଣ୍ଡ, ଧନିଆ ଗୁଣ୍ଡ, ଗରମ ମସଲା , ଅଳ୍ପ ପାଣି ପକାଇ ଭଲ ଭାବେ କଷନ୍ତୁ। ଭଲ ଭାବେ କଷିବା ପରେ ସିଝା ଆଳୁ, ଅଳ୍ପ ଲୁଣ ପକାଇ ପୁଣି କଷନ୍ତୁ। ଏବେ ଏଥିରେ ଲେମ୍ବୁ ରସ , ଆମ୍ବ ରସ ପକାଇ ଭଲ ଭାବେ ଗୋଳାଇ ଦିଅନ୍ତୁ। ୧୦ ରୁ ୧୫ ମିନିଟ ଗ୍ୟାସରେ ବସାଇ ଆଞ୍ଚ ବନ୍ଦ କରି ଦିଅନ୍ତୁ। ଏବେ ଏଥିରେ କଟା ଧନିଆ ପତ୍ର ସଜାଇ ଏକ ପାତ୍ରକୁ କାଢି ଦିଅନ୍ତୁ। ପ୍ରସ୍ତୁତ ହୋଇଗଲା ଆମ୍ବରସ ଆଳୁ। ଏହାକୁ ରୁଟି କିମ୍ବା ପରଟା ସହ ଖାଆନ୍ତୁ ଓ ମଜା ନିଅନ୍ତୁ।