ଛତ୍ରପୁର: ସାଧାରଣ ନିର୍ବାଚନ ଲାଗି ବିଗୁଲ ବାଜିଛି । ଗଞ୍ଜାମ ଜିଲାରେ ଦୁଇଟି ପର୍ଯ୍ୟାୟରେ ନିର୍ବାଚନ ହେବ । ମେ ୧୩ରେ ଛତ୍ରପୁର, ଗୋପାଳପୁର, ବ୍ରହ୍ମପୁର, ଦିଗପହଣ୍ଡି ଓ ଚିକିଟି ଏବଂ ମେ’ ୨୦ରେ ହିଞ୍ଜିଳି, ଆସିକା, ପୋଲସରା, ଖଲ୍ଲିକୋଟ, ସୋରଡା, କବିସୂର୍ଯ୍ୟନଗର, ସାନଖେମୁଣ୍ଡି ଓ ଭଞ୍ଜନଗରରେ ମତଦାନ । ଏହି ପରିପ୍ରେକ୍ଷୀରେ ଗଞ୍ଜାମ ପୁଲିସ ଜିଲା ନିର୍ବାଚନକୁ ଦୃଷ୍ଟିରେ ରଖି ତା’ର ପ୍ରସ୍ତୁତି ଆରମ୍ଭ କରିଦେଇଛି । ଗଞ୍ଜାମ ପୁଲିସ ଜିଲାରେ ୯ଟି ନିର୍ବାଚନ ମଣ୍ଡଳୀ ରହିଛି। ଏହି ସବୁ ସ୍ଥାନରେ ନିର୍ବାଚନ କିପରି ଶାନ୍ତି ଶୃଙ୍ଖଳାରେ ଶେଷ ହେବ ସେନେଇ ପୁଲିସ ସଜାଗ ରହିଛି । ଏନେଇ ଗଞ୍ଜାମ ଏସ୍ପି ଜଗମୋହନ ମୀନାଙ୍କ ନିର୍ଦେଶକ୍ରମେ ରବିବାର ଛତ୍ରପୁର ଏସଡିପିଓ ଗୌରହରି ସାହୁ ଓ ଥାନା ଅଧିକାରୀ ନିରୋଦ କୁମାର ଦାସଙ୍କ ନେତୃତ୍ୱରେ ଛତ୍ରପୁର ସହରର ବିଭିନ୍ନ ଛକ, ସାହି, ଗଳିରେ ବିଏସଏଫ ଓ ପୁଲିସ ପକ୍ଷରୁ ମିଳିତ ଫ୍ଲାଗ୍ ମାର୍ଚ୍ଚ କରାଯାଇଛି । କିପରି ଶାନ୍ତିପୂର୍ଣ୍ଣ ଓ ଅବାଧ ନିର୍ବାଚନ ହେବ ସେନେଇ ପୁଲିସ ପକ୍ଷରୁ ଉଦ୍ୟମ ଓ ରଣନୀତି କରିଛି । ଏହି ଫ୍ଲାର୍ଗମାର୍ଚ୍ଚର ମୁଖ୍ୟ ଉଦେଶ୍ୟ ହେଲା ଲୋକମାନେ ଭୟଭୀତ ନହୋଇ ଅଞ୍ଚଳରେ ଶାନ୍ତି ଶୃଙ୍ଖଳାରେ ମତଦାନ କରିବାକୁ ଲୋକଙ୍କୁ ଏହି ଫ୍ଲାର୍ଗମାର୍ଚ୍ଚ ଜରିଆରେ ବାର୍ତ୍ତା ଦିଆଯାଇଛି । ଗଞ୍ଜାମ ଜିଲାରେ ୩୦୭୭ଟି ବୁଥ୍ ରହିଛି ।
Popular Categories
Previous article
Next article