ଚାନ୍ଦବାଲି/ଆରଡି: ଭଦ୍ରକ ଜିଲା ଚାନ୍ଦବାଲି ବ୍ଲକ ନଳଗୋହିରା ପଞ୍ଚାୟତ ଅଧିନସ୍ଥ ନୂଆଗାଁରେ ଆଜି(ଶନିବାର) ଅପରାହ୍ଣ ସମୟରେ ଭୟାଭୟ ଅଗ୍ନିକାଣ୍ଡ ଘଟି ୧୮ ପରିବାରର ପ୍ରାୟ ୩୬ ବଖରା ଚାଳଘର ପୋଡି ଜଳି ପାଉଁଶ ହୋଇଯାଇଛି। ପ୍ରବଳ ଗରମ ଯୋଗୁଁ ନିଆଁର ମାତ୍ର ଅଧିକ ହୋଇଥିଲା । ଏହାକୁ ସହଜରେ ଆୟତ୍ତ କରାଯାଇ ପାରି ନଥିଲା ।
ନିଆଁର କରାଳ ଗ୍ରାସରେ ସବୁ କିଛି ନଷ୍ଟ ହୋଇଯାଇଥିଲା । ଫଳରେ କିଏ ଝିଅ ବାହାଘର ପାଇଁ ଟଙ୍କା ଗହଣା ରଖିଥିଲା ତ ଆଉ କିଏ ପୁଅ ବାହାଘର ପାଇଁ ସାଇତି ରଖିଥିବା ଟଙ୍କା ଓ ଆସବାବ ପତ୍ର ନଷ୍ଟ ହୋଇଥିଲା । ବର୍ଷକ ପାଇଁ ସାଇତି ରଖାଯାଇଥିବା ଧାନ ଚାଉଳ ମଧ୍ୟ ପୋଡି ଜଳି ସମ୍ପୁର୍ଣ୍ଣ ପାଉଁଶ ହୋଇଯାଇଛି। ପାଖାପାଖି ୫୦ଲକ୍ଷ ଟଙ୍କା କ୍ଷୟକ୍ଷତି ଘଟିଥିବା ଅଗ୍ନି ବିପନ୍ନମାନେ ପ୍ରକାଶ କରିଛନ୍ତି। ନିଆଁ କିପରି ଲାଗିଲା ପ୍ରଥମେ ନିଆଁ କେଉଁଠୁ ଆସିଲା ତାହା ଏବେବି ଅସ୍ପଷ୍ଟ ରହିଥିବା ବେଳେ ୨ଟି ଗୋରୁଙ୍କ ଓ ୫ଟି ଛେଳି ଜୀବନ୍ତ ଦଗ୍ଧ ହୋଇଯାଇଛନ୍ତି। ନିଆଁକୁ ଆୟତ କରିବା ପାଇଁ ଗ୍ରାମବାସୀ ଉଦ୍ୟେମ କରିଥିଲେ ମଧ୍ୟ ନିଆଁ ପ୍ରକୋପ ଏପରି ଥିଲା ଅଳ୍ପ ସମୟ ମଧ୍ୟରେ ସବୁ କିଛଇ ଜଳିପୋଡି ପାଉଁଶ ହୋଇଯାଇଥିଲା। ଗଦି ଓ ଚାନ୍ଦବାଲି ଦମକଳ କେନ୍ଦ୍ର ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ମାତ୍ର ଖରାପ ରାସ୍ତା ଯୋଗୁଁ ବିଳମ୍ବ ହୋଇଥିଲା । ଏହି ଅଗ୍ନିକାଣ୍ଡରେ୧୮ ପରିବାର ଏବେ ସର୍ବସ୍ୱାନ୍ତ ହୋଇଛନ୍ତି ।