ଡେସ୍କ: ସିଲଭରସିଟିରେ ପାଳିତ ହେଲା ବଡ଼ ଦିନ। ଶାନ୍ତି, ପ୍ରେମ, ମୈତ୍ରୀର ବାର୍ତ୍ତା ନେଇ କଟକରେ କ୍ରିସମାସ ପର୍ବ ପାଳନ ହୋଇଛି। ସାଂସ୍କୃତିକ ପ୍ରାଣକେନ୍ଦ୍ର ରୋୖପ୍ୟ ନଗରୀ କଟକ ସହର ବଡ଼ଦିନ ପାଇଁ ସୁନ୍ଦର ଭାବରେ ସଜେଇ ହୋଇଛି ସମସ୍ତ ଚର୍ଚ୍ଚ। ଏହାସହ ବିଭିନ୍ନ ଆଲୋକ ମାଲରେ ଝଲସି ଉଠିଛି ସାରା ସହର।।
କଟକରେ ବଡ଼ଦିନ ପାଇଁ ଉତ୍ସବର ମାହୋଲ pic.twitter.com/y2OasqrYWY
— Samaja Live (@samajalive) December 25, 2024
ପ୍ରଭୁ ଯୀଶୁ ଜନ୍ମ ନେଇ ଥିବା ପବିତ୍ର ଗୁହାଳ ଠାରୁ ଆରମ୍ଭ କରି ଚର୍ଚ୍ଚ ମୁଖଶାଳା ପର୍ଯ୍ୟନ୍ତ ସବୁ ଦେଖିବା ପାଇଁ ଲାଗିଛି ଶ୍ରଦ୍ଧାଳୁଙ୍କ ଭିଡ଼। ରାତି ୧୨ ବାଜିବା କ୍ଷଣି ସମସ୍ତେ ସମସ୍ତଂକୁ ବଡ଼ଦିନର ଶୁଭେଚ୍ଛା ଜଣାଇଥିଲେ। ଚର୍ଚ୍ଚରେ ସମୂହ ପାର୍ଥନା କରିବା ପରେ ଘରେ ଘରେ ଦେଖିବାକୁ ମିଳିଥିଲା ଉତ୍ସବର ମାହୋଲ।
କଟକରେ ବଡ଼ଦିନ ପାଇଁ ଉତ୍ସବର ମାହୋଲ pic.twitter.com/BpwW8MzaIG
— Samaja Live (@samajalive) December 25, 2024
ଖ୍ରୀଷ୍ଟଧର୍ମାବଲମ୍ବୀ ମାନଙ୍କ ଭିତରେ କ୍ରିସମାସ ପାଇଁ କଟକ ସହରର ଥିବା କ୍ୟାଥେଲିକ୍ ଚର୍ଚ୍ଚ, ବାପଟିଷ୍ଟ ଚର୍ଚ୍ଚ ଏବଂ ଅନ୍ୟାନ୍ୟ ଚର୍ଚ୍ଚ ଗୁଡିକରେ ମଧ୍ୟ ସମସ୍ତେ ଏକାଠି ହୋଇ ଏହି ପବିତ୍ର ଦିନ ଟିକୁ ଧୁମ ଧାମରେ ପାଳନ କରିବା ପାଇଁ ସମୂହ ପାର୍ଥନା କରିଛନ୍ତି। କେବଳ ଖ୍ରୀଷ୍ଟିୟାନ ଧର୍ମାବଲମ୍ବୀ ନୁହନ୍ତି, ଭାଇଚାରାର ସହର କଟକରେ ଅନ୍ୟାନ୍ୟ ସଂପ୍ରଦାୟ ଲୋକ ମଧ୍ୟ ସାମିଲ ହୋଇଛନ୍ତି ଏହି ବଡଦିନ ପର୍ବରେ। ସମସ୍ତ ଏକାଠି ହୋଇ କ୍ୟାରୋଲ ଗାନ କରିଛନ୍ତି। ଏହାସହ ପରସ୍ପରକୁ ଏହି ପବିତ୍ର କ୍ରିସମାସରେ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।
କଟକରେ ବଡ଼ଦିନ ପାଇଁ ଉତ୍ସବର ମାହୋଲ pic.twitter.com/Ky7ArxirE6
— Samaja Live (@samajalive) December 25, 2024
