ନବରଙ୍ଗପୁର: ନିଆଁ ଲାଗି ପୋଡିଗଲା ଲକ୍ଷାଧିକ ଟଙ୍କାର ଧାନ ଆଉ ମକା। ଏପରି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ କାମତା ଗ୍ରାମରେ। କାମତା ଗ୍ରାମର ୪ ନମ୍ବର ୱାର୍ଡରେ ରହୁଥିବା ସଭା ଛାତି ଏବଂ କିଶୋର ସୁନାଙ୍କ ୧୦ ଏକରରେ ଅମଳ କରିଥିବା ମକା ଏବଂ ୫ ଏକର ବିଲରୁ ଅମଳ କରିଥିବା ଧାନକୁ ଗୋଟିଏ ଖଳାରେ ରଖିଥିଲେ। ଗତକାଲି ହଠାତ କେଉଁ କାରଣରୁ ଖଳାରେ ନିଆଁ ଲାଗିଥିବା କିଛି ଲୋକ ଦେଖିବା ପରେ ଗ୍ରାମବାସୀଙ୍କୁ ଜଣାଇବା ପରେ ସ୍ଥାନୀୟ ଗ୍ରାମବାସୀ ଘରୁ ପଣି ଆଣି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ହେଁ ନିଆଁ ସମ୍ପୂର୍ଣ୍ଣ ଖଳାରେ ମାଡିଯାଇଥିଲା। ପରେ ଦମକଳ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ହେଁ ସେତେବେଳକୁ ଖଳାରେ ଥିବା ସମସ୍ତ ଧାନ ଏବଂ ମକା ପୋଡି ପାଉଁଶ ହୋଇଯାଇଥିଲା । ବର୍ଷ ସାରା ବିଲରେ ଖଟି ଉପାର୍ଜନ କରିଥିବା ସମସ୍ତ ଶସ୍ୟ ପୋଡି ଯାଇଥିବା ଯୋଗୁଁ ମୁଣ୍ଡରେ ହାତ ଦେଇ ବସିଛନ୍ତି ସଦା ଏବଂ କିଶୋର ସୁନା । ଖବର ପାଇ ତେନ୍ତୁଳୀଖୁଣ୍ଟି ବ୍ଲକ ଉପାଧ୍ୟକ୍ଷ ତନ୍ମୟ ସାଗର ନାୟକ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ବିଧାୟକ ଏବଂ ତହସିଲଦାରଙ୍କ ସହ ଆଲୋଚନା କରି କ୍ଷତିପୂରଣ ଦେବା ପ୍ରତିଶୃତି ଦେଇଛନ୍ତି ।
Popular Categories
Previous article
Next article