ନୂଆଦିଲ୍ଲୀ: ମହିଳାଙ୍କୁ ୧ ଲକ୍ଷ ୩୬ ହଜାର ଜୋରିମାନା ସହ ଗାଡ଼ି ଜବତ କଲା ଟ୍ରାଫିକ ବିଭାଗ । ବେଙ୍ଗାଲୁରୁର ଜଣେ ମହିଳା କ୍ରମାଗତ ଭାବେ ଟ୍ରାଫିକ ନିୟମ ଉଲ୍ଲଙ୍ଘନ କରିଥିବାରୁ ସେଠାକାର ଟ୍ରାଫିକ ବିଭାଗ ତାଙ୍କ ଉପରେ ୧ ଲକ୍ଷ ୩୬ ହଜାର ଟଙ୍କାର ଜୋରିମାନା କରିବା ସହ ତାଙ୍କର ଦୁଇଚକିଆ ଗାଡ଼ିକୁ ଜବତ କରିଛି। ଟ୍ରାଫିକ ପୁଲିସ ସୂତ୍ରରୁ ମିଳିଥିବା ଖବର ଅନୁଯାୟୀ ମହିଳା ଜଣକ ଶତାଧିକ ବାର ନିୟମ ଭଙ୍ଗ କରିଥିବା ସିସିଟିଭି ଫୁଟେଜରୁ ଜଣାପଡ଼ିଥିଲା। ଏଥିରେ ବିନା ହେଲମେଟରେ ଗାଡ଼ି ଚାଳନା, ଦୁଇଚକିଆ ଯାନରେ ୩ଜଣ ବସି ଯାତ୍ରା କରିବା, ଟ୍ରାଫିକ ସିଗନାଲକୁ ଭଙ୍ଗ କରିବା ସହ ଅନ୍ୟାନ୍ୟ ନିୟମ ଏକାଧିକ ବାର ଭଙ୍ଗ କରିଥିଲେ ସଂପୃକ୍ତ ମହିଳା। ସିସିଟିିଭି ଫୁଟେଜରୁ ଗାଡ଼ିର ନମ୍ବର ଆଧାରରେ ପୁଲିସ ମହିଳା ଜଣକଙ୍କ ପରିଚୟ ପାଇଥିଲା। ତାଙ୍କ ଘରକୁ ଯାଇ ପୁଲିସ ୧ ଲକ୍ଷ ୩୬ ହଜାର ଟଙ୍କାର ଜୋରିମାନା ଚାଲାଣ ଦେଇ ସେ ଚଳାଉଥିବା ଦୁଇଚକିଆ ଯାନକୁ ଜବତ କରିଥିଲା।
Popular Categories
Previous article
Next article