ନୂଆଦିଲ୍ଲୀ: ବଲିଉଡ ସୁପରଷ୍ଟାର ସଲମାନ ଖାନଙ୍କୁ ଭେଟିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକାନଥ ସିନ୍ଦେ। ସଲମାନଙ୍କ ଘର ବାହାରେ ଗୁଳିକାଣ୍ଡ ଘଟଣା ପରେ ତାଙ୍କ ଘରେ ଭେଟିଛନ୍ତି ସିନ୍ଦେ। ଏହି ଅବସରରେ ଏକନାଥ ସିନ୍ଦେ କହିଛନ୍ତି ଯେ ମହାରାଷ୍ଟ୍ର ସରକାର ସଲମାନ ଏବଂ ତାଙ୍କ ପରିବାର ସହ ରହିଛନ୍ତି। ତାଙ୍କ ପରିବାରକୁ ସମ୍ପୂର୍ଣ୍ଣ ସୁରକ୍ଷା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି। ଏହାସହିତ ସିନ୍ଦେ କହିଛନ୍ତି ମୁମ୍ବଇରେ ଦାଦାଗିରି ଚାଲିବ ନାହିଁ। ଖୁବଶୀଘ୍ର ଲରେନ୍ସ ବିଷ୍ଣୋୟୀ ଏବଂ ତାର ଗ୍ୟାଙ୍ଗକୁ ମୂଳପୋଛ କରାଯିବ ବୋଲି କହିଛନ୍ତି। ସଲମାନଙ୍କ ଘର ବାହାରେ ଗୁଳି ଫୁଟାଇଥିବା ଦୁଇ ଅଭିଯୁକ୍ତଙ୍କୁ ଗିରଫ କରାଯାଇଛି। ଉଭୟ ଲରେନ୍ସ ବିଷ୍ଣୋୟୀ ଗ୍ୟାଙ୍ଗର ହୋଇଥିବା ଜଣାପଡିଛି। ଜେଲରେ ରହି ମଧ୍ୟ ନିଜର ଅପରାଧିକ କାର୍ଯ୍ୟକଳାପ ଜାରି ରଖି ୭୦୦ ସୁଟରଙ୍କୁ ନେଇ ଗ୍ୟାଙ୍ଗ ଚଳାଉଥିବା କୁହାଯାଉଛି।
Popular Categories
Previous article
Next article