ବନ୍ୟା ପାଇଁ ୫ ରାଜ୍ୟକୁ ସ୍ୱତନ୍ତ୍ର ସହାୟତା ଘୋଷଣା

ନୂଆଦିଲ୍ଲୀ: ମୋଦୀ ସରକାରଙ୍କ ତୃତୀୟ ପାଳିରେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ କରି ୫ ରାଜ୍ୟର ବନ୍ୟା କ୍ଷତିଗ୍ରସ୍ତଙ୍କ ଲାଗି ସ୍ୱତନ୍ତ୍ର ସହାୟତା ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ବନ୍ୟା ମୁକାବିଲା ପାଇଁ ବିହାର ରାଜ୍ୟକୁ ୧୧,୫୦୦କୋଟି ମିଳିବ । ପ୍ରତିବର୍ଷ ଆସାମରେ ବନ୍ୟା ପରିସ୍ଥିତି ଉପୁଜୁଛି । ଏହାର ପରିଚାଳନା ଲାଗି ଓ ଆନୁଷଙ୍ଗିକ ପ୍ରକଳ୍ପ ପାଇଁ ସହାୟତା ଯୋଗାଇ ଦେବେ କେନ୍ଦ୍ର ସରକାର । ବନ୍ୟା ପ୍ରଭାବିତ ହିମାଚଳ ପ୍ରଦେଶକୁ ମଧ୍ୟ ଆର୍ଥିକ ସହାୟତା ଯୋଗାଇ ଦିଆଯିବ । ଏହା ମାଧ୍ୟମରେ କ୍ଷତିଗ୍ରସ୍ତ ସଡ଼କ ଗୁଡିକର ପୁନଃ ନିର୍ମାଣ ପାଇଁ ସହାୟତା ମିଳିବ । ଉତ୍ତରାଖଣ୍ଡରେ ଭୂସ୍ଖଳନ ଓ ବାଦଲ ଫଟା ବର୍ଷା ଯୋଗୁ ହୋଇଥିବା କ୍ଷତିରେ ସୁଧାର ପାଇଁ ସହାୟତା ପ୍ରଦାନ କରାଯିବ । ଏହାସହିତ ସିକ୍କିମକୁ ମଧ୍ୟ ସ୍ୱତନ୍ତ୍ର ସହାୟତା ଯୋଗାଇ ଦିଆଯିବ ବୋଲି ବଜେଟରେ ଘୋଷଣା କରିଛନ୍ତି ଅର୍ଥମନ୍ତ୍ରୀ ।