ରାମନାଗୁଡା – ଚାଷୀଙ୍କୁ ୟୁରିଆ ସାର ମିଳୁ ନ ଥିବା । ସରକାରୀ ଧାର୍ଯ୍ୟ ମୂଲ୍ୟରେ ୟୁରିଆ ସାର କିଣିବା ପାଇଁ ଲ୍ୟାମ୍ପ ଆଗରେ ଲମ୍ବାଧାଡ଼ି ଲାଗୁଛି । ଏଭଳି ଦୃଶ୍ୟ ଦେଖିବାକୁ ମିଳିଛି ରାୟଗଡ଼ା ଜିଲ୍ଲା ରାମନାଗୁଡା ଲ୍ୟାମ୍ପସରେ। ଲ୍ୟାମ୍ପସରେ ପର୍ୟ୍ୟାପ୍ତ ପରିମାଣର ୟୁରିଆ,ଡିଏପି ସାର ଗଚ୍ଛିତ ନଥିବା ଆଦି ଅଭିଯୋଗ କରିଛନ୍ତି ତୁମ୍ବାକଣା ଅଞ୍ଚଳର ଚାଷୀ।ତେବେ ବର୍ତ୍ତମାନ ଗଛରୁ ଧାନ ବାହାରୁଥିବା ବେଳେ ଜଣେ ଚାଷୀ ପିଛା ମାତ୍ର ୨ ପ୍ୟାକେଟ ସାର ମିଳୁଛି, ଯାହା ପର୍ଯ୍ୟାପ୍ତ ନୁହେଁ । ତେଣୁ ଲ୍ୟାମ୍ପରୁ ସାର ସରିଯାଉଛି, କିନ୍ତୁ ଚାଷୀଙ୍କ ଧାଡ଼ି ସରୁନାହିଁ ।
ଏବେ ରାୟଗଡ଼ା ଜିଲ୍ଳାର ରାମନାଗୁଡା ଲ୍ୟାମ୍ପ ସମ୍ମୁଖରେ ଦେଖିବାକୁ ମିଳୁଛି । ଖରିଫ ଚାଷରେ ଧାନ ରୁଆ ସରିଥିବା ବେଳେ ଏବେ ଚାଷକୁ ଆଗକୁ ବଢାଇବା ପାଇଁ ୟୁରିଆ ସାରର ଆବଶ୍ୟକତା ରହିଛି । ରୁଆ ପରେ ଧାନ ଗଛ ବଡ଼ିବା ପାଇଁ ୟୁରିଆ ସାର ଦରକାର ପଡେ । ହେଲେ ସାର ମିଳୁନଥିବାରୁ ଚାଷୀ ହତାସ ହୋଇଛନ୍ତି । ଲ୍ୟାମ୍ପରେ ସାରର ଅଭାବ ଥିବାରୁ ବଜାରରେ ଚଢ଼ା ଦରରେ ବିକ୍ରି ହେଉଥିବା ଅଭିଯୋଗ ହୋଇଛି । ସୋସାଇଟିରେ ୟୁରିଆ ସାର ପ୍ୟାକେଟ ପିଛା ୨୬୬ ଟଙ୍କା ରହିଥିବା ବେଳେ ବାହାରେ ବଜାରରେ ୩୫୦ରୁ ୪୦୦ ଟଙ୍କାରେ ବିକ୍ରି ହେଉଛି । ଲ୍ୟାମ୍ପକୁ ଯେତିକି ସାର ଆସୁଛି ଚାଷୀ ଠିକ ସମୟରେ ନ ଆସିବା କାରଣରୁ ଏପରି ଅସୁବିଧା ହୋଇଥିବା କହିଛନ୍ତି । ରାମନାଗୁଡା ଲ୍ୟାମ୍ପ ଅଧିକାରୀ କହିଛନ୍ତି ଚାଷୀ ବହୁତ ବିଳମ୍ବରେ ଆସିବା ଯୋଗୁ ସାର ଗଚ୍ଛିତ ନଥିବା କହିଛନ୍ତି ।
Comments are closed.