ଗ୍ରେଟର ନୋଏଡ଼ା: ଗ୍ରେଟର ନୋଏଡ଼ାର ସୁରଜପୁର ସହର ସ୍ଥିତ ବାରାହୀ ମେଳା ଗଳିରୁ ଶୁକ୍ରବାର ଏମିତି ଏକ ଘଟଣା ସାମ୍ନାକୁ ଆସିଛି, ଯାହା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ଏଠାରେ ଜଣେ ପିତା ନିଜର ଦୁଇ ଝିଅଙ୍କ ମୁଣ୍ଡକୁ ଛେଚି ଅତି ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ହରିଶ ସୋଲଙ୍କୀ ନାମକ ବ୍ୟକ୍ତି ବାରାହୀ ମେଳା ଗଳିରେ ନିଜ ପତ୍ନୀ ଓ ୩ ପିଲାଙ୍କ ସହ ବାସ କରନ୍ତି। ଗୁରୁବାର ରାତିରେ ମଦ ପିଇବା ଏବଂ ଅନ୍ୟ କେତେକ କାରଣକୁ ନେଇ ପତ୍ନୀଙ୍କ ସହ ହରିଶଙ୍କର ଝଗଡ଼ା ହୋଇଥିଲା। ଏହାପରେ ପତ୍ନୀ ନିଜ ସାଢେ ଚାରି ବର୍ଷର ପୁଅକୁ ନେଇ ଘର ମାଲିକଙ୍କ ପତ୍ନୀଙ୍କ ପାଖରେ ଯାଇ ଶୋଇଥିଲେ। ଆଜି ସକାଳେ ଉଠି ସବୁ ଦେଖିଥିଲେ ଯେ, ହରିଶ ଫେରାର ଥିଲେ ଓ ତାଙ୍କ ଘରେ ବଡ଼ ଝିଅ ରାଧିକାଙ୍କ ମୃତଦେହ ପଡ଼ିଥିଲା। ସେହିପରି ସାନ ଝିଅର ମୃତଦେହ ଘରଠାରୁ ପ୍ରାୟ ୫୦୦ମିଟର ଦୂରରେ ଏକ ଖାଲି ସ୍ଥାନରେ ପଡ଼ିଥିଲା। ହରିଶ ଦୁଇ ଝିଅଙ୍କୁ ହତ୍ୟା କରିଥିବା ପତ୍ନୀ ଅଭିଯୋଗ କରିବା ପରେ ପୁଲିସ ତଦନ୍ତ ଆରମ୍ଭ କରିଛି। ଦୁଇ ଝିଅଙ୍କୁ ନିର୍ମମ ଭାବେ ମୁଣ୍ଡ ଛେଚି କିମ୍ବା କାନ୍ଥରେ ମୁଣ୍ଡ ପିଟି ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
ବାପା ସାଜିଲା କଂସେଇ: ୨ ଝିଅଙ୍କ ମୁଣ୍ଡ ଛେଚି ନିର୍ମମ ଭାବେ କଲା ହତ୍ୟା
Popular Categories
Previous article
Next article