ମୋରେନା: ମଧ୍ୟପ୍ରଦେଶର ମୋରେନାରେ ଗୁରୁବାର ବାଣ ଗୋଦାମରେ ବିସ୍ଫୋରଣ ଘଟିଛି। ଏହି ଦୁର୍ଘଟଣାରେ ୩ଜଣଙ୍କ ମୃତ୍ୟୁ ଘଟିଥିବା ବେଳେ ୭ ଜଣ ଆହତ ହୋଇଥିବା ଜଣାପଡ଼ିଛି। ଦିନ ପ୍ରାୟ ୧୧ଟା ୩୦ ସମୟରେ ଘଟିଛି ଏହି ଦୁର୍ଘଟଣା। ବିସ୍ଫୋରଣ ଅତ୍ୟନ୍ତ ତୀବ୍ର ଥିଲା, ଯେଉଁଥିପାଇଁ ଗୋଦାମ ଘର ସମ୍ପୂର୍ଣ୍ଣ ଭୁଶୁଡ଼ି ପଡିଛି। ଏହି କୋଠାରେ କିଛି ଭଡ଼ାଟିଆ ମଧ୍ୟ ରହୁଥିଲେ, ଯେଉଁମାନେ ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା କରାଯାଉଛି।
ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୁଲିସ ଓ ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ବର୍ତ୍ତମାନ ଆହତଙ୍କୁ ଉଦ୍ଧାର କାର୍ଯ୍ୟ ଚାଲିଛି। ସୂଚନାନୁସାରେ, ବାନମୋର ନଗରର ଜୈତପୁର ରୋଡରେ ଏହି ବାଣ ଗୋଦାମ ଅବସ୍ଥିତ। ଗୋଦାମରେ ବିସ୍ଫୋରଣ ହେବାପରେ ଆତଙ୍କ ଖେଳିଯାଇଥିଲା। ସେହି କୋଠାରେ କିଛି ଭଡ଼ାଟିଆ ମଧ୍ୟ ରହୁଥିଲେ। ବିସ୍ଫୋରଣ ଏତେ ଭୟଙ୍କର ଥିଲା ଯେ ସମଗ୍ର କୋଠା ଭୁଶୁଡ଼ି ପଡ଼ିଛି।
Comments are closed.