ଆଠଗଡ: କଟକ ଜିଲ୍ଲା ଅବକାରୀ ଅଧୀକ୍ଷକ କରୁଣା ଶଙ୍କର ତିୱାରୀଙ୍କ ନିର୍ଦ୍ଦେଶକ୍ରମେ ପାର୍ବଣକୁ ଦୃଷ୍ଟିରେ ରଖି ଆଠଗଡ ଅଞ୍ଚଳରେ ବେଆଇନ ଦେଶୀମଦ କାରବାର ଉପରେ ଅଙ୍କୁଶ ଲଗାଇବା ପାଇଁ ଅବକାରୀ ଚଢାଉ ଜାରି ରହିଛି। ଏହି କ୍ରମରେ ବୁଧବାର ସକାଳେ କୋରଙ୍ଗା ଗ୍ରାମରେ ଆଠଗଡ ଅବକାରୀ ଓ କଟକ ଅବକାରୀ ଗୁଇନ୍ଦା ସଂସ୍ଥା ପକ୍ଷରୁ ମିଳିତ ଚଢାଉ କରାଯାଇଥିଲା । ସେଠାରେ ଏକାଧିକ ବେଆଇନ ଭାଟି ଉପରେ ଚଢାଉ କରି ମଦ ପ୍ରସ୍ତୁତି ପାଇଁ ଗଚ୍ଛିତ ୯୩୪୫ ଲିଟର ଗୁଡମିଶ୍ରିତ ପୋଚ ଏବଂ ଚାଲାଣ ପାଇଁ ଥିବା ସଦ୍ୟ ପ୍ରସ୍ତୁତ ୯୪୫ ଲିଟର ଦେଶୀମଦ ଜବତ କରାଯାଇଥିଲା । ବାହାରକୁ ଚାଲାଣ ପାଇଁ ମଦ ବୋଝେଇ ହୋଇଥିବା ଏକ ନମ୍ବର ବିହୀନ କାରକୁ ମଧ୍ୟ ଜବତ କରାଯାଇଛି । ତେବେ ମଦ ମାଫିଆ ଅବକାରୀ ଗାଡିଗୁଡିକୁ ଦୂରରୁ ଦେଖି ଫେରାର ହୋଇଯାଇଥିବାରୁ କାହାରିକୁ ଗିରଫ କରାଯାଇ ପାରି ନ ଥିଲା। ଏ ସମ୍ପର୍କିତ ୩ଟି ମାମଲା ରୁଜୁ ହୋଇଥିବା ବିଭାଗ ସୂତ୍ରରୁ ପ୍ରକାଶ। ଏହି ଚଢାଉରେ ଆଠଗଡ ଅବକାରୀ ଉପଅଧୀକ୍ଷକ ନିମାଇଁ ଚରଣ ସିଂହ, ନିରୀକ୍ଷକ ହେମନ୍ତ ମହାନନ୍ଦିଆ, ଅବକାରୀ ଗୁଇନ୍ଦା ନିରୀକ୍ଷକ ଧୀରେନ କୁମାର ବେହେରା, ଆଠଗଡ ଉପନିରୀକ୍ଷକ ଅରୁଣ କୁମାର ଭୋଇଙ୍କ ସମେତ ବହୁ ଅଧିକାରୀ ଓ କର୍ମଚାରୀ ଅଂଶଗ୍ରହଣ କରିଥିଲେ।
Popular Categories
Previous article
Next article