ଫୁଲବାଣୀ : କନ୍ଧମାଳ ଜିଲ୍ଲା ଅବକାରୀ ବିଭାଗ, ଗୁରୁବାର ଏକ କାର ସହ ୪୦ କିଲୋ ଗଂଜେଇ ଜବତ କରିବାରେ ସଫଳ ହୋଇଥିବା ବେଳେ ଗାଡିର ଡ୍ରାଇଭର ସହ ଦୁଇଜଣ ଆନ୍ତ ଜିଲ୍ଲା ଗଂଜେଇ ମାଫିଆକୁ ଗିରଫ କରିଛି । ସୂଚନା ଅନୁସାରେ ଅବକାରୀ ବିବିଭାଗର କନ୍ଧମାଳ ଏସପି ପ୍ରବୀର କୁମାର ସାମଲଙ୍କ ନିର୍ଦେଶ କ୍ରମେ ଅବକାରୀ ଏସଆଇ ସାଗର ଭୋଇଙ୍କ ନେତୃତ୍ୱ ରେ ଏକ ଟିମ ଫୁଲବାଣୀ ଭଞ୍ଜନଗର ମୁଖ୍ୟ ରାସ୍ତାର ଗୁମାଗଡ଼ ନିକଟରେ ଏହି କାର ଟିକୁ ଧରିଥିଲେ। ତେବେ କାରକୁ ଯାଞ୍ଚ କରିବା ସମୟରେ କାରର ଡ଼ିକିରେ ଦୁଇଟି ବସ୍ତାରୁ ୪୦ କିଲୋ ଗଂଜେଇ ଜବତ କରିବା ସହ ଦୁଇଜଣ ବ୍ୟକ୍ତି ଙ୍କୁ ଗିରଫ କରିଥିଲେ। ଅନ୍ୟପଟେ କାରରୁ ଜବତ ହୋଇଥିବା ଗଂଜେଇ ଫୁଲବାଣୀରୁ ଗଞ୍ଜାମ ଜିଲ୍ଲାକୁ ଚାଲାଣ ହେଉଥିବା ଅବକାରୀ ବିଭାଗ ର ତଦନ୍ତରୁ ଜଣାପଡିଥିବା ବେଳେ ଗିରଫ ବ୍ୟକ୍ତି ମାନଙ୍କ ମଧ୍ୟ୍ୟରେ ଜଣେ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଚିଙ୍ଗୁଡ଼ିଘାଇ ରେଙ୍ଗିତିପଲ୍ଲୀ ଗାଁର କିଷାନ ନାୟକ ବୋଲି ଜଣା ପଡ଼ିଥିବା ବେଳେ ଅନ୍ୟ ଜଣେ ଅଭିଯୁକ୍ତ ମଧ୍ୟ୍ୟ ସେହି ଗାଁ ର ଗଙ୍ଗାଧର ଗୌଡ଼ ବୋଲି ଜଣାପଡିଛି। ଏକ ମାମଲା ରୁଜୁ କରାଯାଇ ଅଭିଯୁକ୍ତ ଗଂଜେଇ ମାଫିଆ ମାନଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଏହି ଚଢ଼ାଉ ରେ ଅବକାରୀ ବିଭାଗର ଏଏସଆଇ ସୁକାନ୍ତ କୁମାର କହଁର, ଅନିଲ କୁମାର ବେହେରା, ସଂଜୀବ ପ୍ରଧାନ ଓ ମିଳନ କୁମାର ସାହୁ ସାମିଲ ଥିବା ଅବକାରୀ ଏସଆଇ ସାଗର ଭୋଇସୂଚନା ଦେଇଛନ୍ତି।
Comments are closed.