bjd  ek lkhya koti banner

୨୦୨୫ ସୁଦ୍ଧା ୩୮ ପ୍ରତିଶତ ଶସ୍ତା ହେବ ଇଲେକ୍ଟ୍ରିକ୍ ଗାଡି

mission shakti banner

ନୂଆଦିଲ୍ଲୀ : ଦେଶରେ ଇଲେକ୍ଟ୍ରିକ୍ କାରର ବଜାର ଆଗାମୀ ୨ ବର୍ଷରେ ସମ୍ପୂର୍ଣ୍ଣ ବଦଳିଯିବ କାରଣ ବ୍ୟାଟେରୀ ଏବଂ ଚିପ୍ ଦାମ୍ ଲଗାତର ଖସିବାରେ ଲାଗିଛି । ୨୦୨୧ରେ ଏକ କିଲୋଓ୍ବାଟ ପାଓ୍ବର ବ୍ୟାଟେରୀ ପ୍ରାୟ ୧୩୦ ଡଲାର(୧୦,୮୫୦) ଥିଲା ଯାହା ୨୦୨୩ରେ ୧୦୦ ଡଲାର(୮,୩୫୦ ଟଙ୍କା)କୁ ଖସିଆସିଛି । ଆକଳନ ଅନୁସାରେ ୨୦୨୫ ସୁଦ୍ଧା ଏହା ହ୍ରାସ ପାଇ ୬୬୫୦ ଟଙ୍କା ହୋଇଯିବ ।

ଥରେ ଚାର୍ଜ କଲେ ୮୦୦ କି.ମି. ଯିବ ଏହି ଇଲେକ୍ଟ୍ରିକ୍ କାର୍, ଦାମ୍ ମାତ୍ର ଏତିକି…

ଏବେ ବଜାରରେ ୧୭ରୁ ୧୦୮ କେଡବ୍ଲୁଏଚ ବ୍ୟାଟେରୀ ଚାଳିତ ଇଲେକ୍ଟ୍ରିକ୍ ଗାଡି ଦେଖିବାକୁ ମିଳୁଛି । ଇଲେକ୍ଟ୍ରିକ୍ ଗାଡିର ଦାମ୍ ୭୦ ପ୍ରତିଶତ କେବଳ ବ୍ୟାଟେରୀ ଉପରେ ହିଁ ନିର୍ଭର କରେ । ଏହି ଅନୁସାରେ ଯଦି ଆମେ ଆକଳନ କରିବା ତେବେ ୧୦ ଲକ୍ଷ ଟଙ୍କାର ଇଭି ଦାମ୍ ପ୍ରାୟ ସାଢେ ୮ ଲକ୍ଷ ଟଙ୍କା ହୋଇଯିବ । ଅନ୍ୟପଟେ ଦେଶରେ ସେମିକଣ୍ଡକ୍ଟର ଚିପ୍ ଉତ୍ପାଦନ ହେଲେ ଏହି ଖର୍ଚ୍ଚ ଆହୁରି ୧୦ ପ୍ରତିଶତ ପର୍ଯ୍ୟନ୍ତ ହ୍ରାସ ହେବ । ଅର୍ଥାତ୍ ଗାଡି ଦାମ୍ ସାଢେ ୮ ରୁ ୭ ଲକ୍ଷ ଟଙ୍କା ପର୍ଯ୍ୟନ୍ତ ଖସିଯିବ ।

ଏଭଳି ଗାଡି ଦେଖିବା ମାତ୍ରେ ଚାଲାଣ କାଟୁଛି ପୁଲିସ, ରୁହନ୍ତୁ ସତର୍କ…

ଭାରତରେ ଇଲେକ୍ଟ୍ରିକ୍ ଗାଡି ବଜାର ୨୦୨୫ ସୁଦ୍ଧା ପ୍ରାୟ ୬୦ ହଜାର କୋଟି ଟଙ୍କା ଉପରକୁ ଯିବା ଅନୁମାନ କରାଯାଉଛି । ଏହା ୨୦୨୩ରେ ୧୬,୭୦୦ କୋଟି ଟଙ୍କାରେ ରହିଥିଲା । ଅର୍ଥାତ୍ ଆଗାମୀ ୨ ବର୍ଷରେ ପ୍ରାୟ ୨୫୯ ପ୍ରତିଶତ ବୃଦ୍ଧି ଦେଖିବାକୁ ମିଳିପାରେ ।

Comments are closed.