ନୂଆଦିଲ୍ଲୀ : ଯେଉଁ ଗାଡିରେ କୌଣସି ପ୍ରକାର ମୋଡିଫିକେସନ ହୋଇଥାଏ ପୁଲିସ ସେସବୁର ଚାଲାଣ କାଟିଥାଏ । କହିରଖୁଛୁ ଏପରି କିଛି ନିୟମ ଅଛି ଯାହାକୁ ଭାଙ୍ଗିବା ଦ୍ବାରା ୨୫ ହଜାର ଟଙ୍କା ପର୍ଯ୍ୟନ୍ତ ମଧ୍ୟ ଚାଲାଣ କଟିପାରେ । ଖାଲି ସେତିକି ନୁହେଁ, ଆପଣଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ ହେବା ସହ ଅନେକ ପ୍ରକାର ଦଣ୍ଡ ନିୟମ ମଧ୍ୟ ରହିଛି । ଏଭଳି କ୍ଷେତ୍ରରେ ଯଦି ଆପଣ ନିଜ ବାଇକରେ କୌଣସି ପ୍ରକାର ମୋଡିଫିକେସନ କରାଉଛନ୍ତି ତେବେ ସତର୍କ ହୋଇଯାନ୍ତୁ । ତେବେ ଏମିତି ଅନେକ କାରଣ ଅଛି ଯେଉଁଥିପାଇଁ ଆପଣଙ୍କ ଗାଡିର ଚାଲାଣ କଟିପାରେ । ଆସନ୍ତୁ ଜାଣିବା…
୧. ଫ୍ୟାନ୍ସି ନମ୍ବର ପ୍ଲେଟ୍
ଗାଡିରେ କୌଣସି ପ୍ରକାର ପ୍ରକାର ଫ୍ୟାନ୍ସି ନମ୍ବର ପ୍ଲେଟ୍ ବ୍ୟବହାର କରିବା ବେଆଇନ । ସରକାର ନମ୍ବର ପ୍ଲେଟ୍ ପାଇଁ ଏକ ନିର୍ଦ୍ଧାରିତ ନିୟମ ପୂର୍ବରୁ ଆଣିଛନ୍ତି । ତଦନୁସାରେ ନମ୍ବର ପ୍ଲେଟରେ ଥିବା ସମସ୍ତ ନମ୍ବର ସ୍ପଷ୍ଟ ଦେଖାଯିବା ସହ ଅନ୍ୟ କୌଣସି ଡିଜାଇନରେ ଲେଖାହୋଇନଥିବା ଆବଶ୍ୟକ ।
୨. ମୋଡିଫାଏ କଲେ ଚାଲାଣ
ମୋଟରସାଇକେଲ ବା ସ୍କୁଟରକୁ ମୋଡିଫିକେସନ କରାଇବା ମଧ୍ୟ ବେଆଇନ । ଆଜିକାଲି ମୋଡିଫିକେସନ ହୋଇଥିବା ଗାଡିକୁ ଧରି ଚାଲାଣ କାଟୁଛି ପୁଲିସ । ନୂଆ ଟ୍ରାଫିକ୍ ନିୟମ ଅନୁସାରେ କୌଣସି ବି ପ୍ରକାର ଡିଜାଇନ କରାଇଲେ ମୋଟା ଅଙ୍କର ରାଶି ଚାଲାଣ ରୂପେ ଦେବାକୁ ପଡିପାରେ । ବାଇକକୁ ଜବତ ମଧ୍ୟ କରାଯାଇପାରେ ।
୩. ଜୋରରେ ଶବ୍ଦ କଲେ ମଧ୍ୟ ଚାଲାଣ
ଅନେକ ଥର ଲୋକମାନେ ନିଜ ମୋଟରସାଇକେଲରେ ସାଇଲେନ୍ସର ମଧ୍ୟ ମୋଡିଫାଏ କରାଇଥାନ୍ତି । ଏମିତି କରିବା ଦ୍ବାରା ଗାଡିରୁ ଭିନ୍ନ ପ୍ରକାର ଶବ୍ଦ ବାହାରିଥାଏ । ଏହା ମଧ୍ୟ ବେଆଇନ । ଏଥିପାଇଁ ମଧ୍ୟ ଚାଲାଣ କାଟିପାରେ ପୁଲିସ ।
