ଆଗ୍ରା: ବରଯାତ୍ରୀ ଯାଉଥିବା ଏକ କାର୍ ଚକ ଫାଟି ଦୁର୍ଘଟଣାଗ୍ରସ୍ତ ହେବାରୁ ୫ ଜଣଙ୍କ ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଅନ୍ୟ ୩ ଜଣ ଆହତ ହୋଇଛନ୍ତି। ଉତ୍ତରପ୍ରଦେଶର ଆଗ୍ରାରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ମଧ୍ୟରେ ବରର ଭାଇ ରହିଛନ୍ତି।
ସୂଚନା ଅନୁସାରେ, ଉତ୍ତରପ୍ରଦେଶର ଆଗ୍ରା ଅନ୍ତର୍ଗତ କୁବେରପୁର ନିକଟ ଏକ୍ସପ୍ରେସ୍ୱେରେ ଦ୍ରୁତଗତିରେ ଯାଉଥିବା ଏକ ବରଯାତ୍ରୀ କାର୍ର ଚକ ଫାଟିଯିବାରୁ ଗାଡ଼ିଟି ଓଲଟି ପଡ଼ିଥିଲା। ଗାଡ଼ିରେ ଥିବା ୮ ଜଣଙ୍କ ମଧ୍ୟରୁ ୫ ଜଣ ଘଟଣାସ୍ଥଳରେ ପ୍ରାଣ ହରାଇଥିଲେ। ଅନ୍ର ୩ ଗୁରୁତରଙ୍କୁ ପୁଲିସ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି। ଗାଡ଼ିଟି ଗ୍ରେଟର ନଏଡ଼ାରୁ ଦେବରିଆ ଅଞ୍ଚଳକୁ ଯାଉଥିବା ଜଣାପଡ଼ିଛି।
