ନୂଆଦିଲ୍ଲୀ: ଲଲିତ ମୋଦୀ.. ଏ ଏମିତି ଏକ ନାଁ ଯିଏ କି ସବୁବେଳେ ଲୋକଙ୍କୁ ଆଶ୍ଚର୍ଯ୍ୟ ହିଁ କରାନ୍ତି । ଆଜ୍ଞା ହଁ ଦର୍ଶକ ବନ୍ଧୁ ଲଲିତ ମୋଦୀ ଯିଏ କି ନୂଆ ଢ଼ଙ୍ଗରେ କ୍ରିକେଟ ଆଇପିଏଲର ଶୁଭାରମ୍ଭ କରି ସମସ୍ତଙ୍କୁ ଚକିତ କରିଥିଲେ । ଆଉ ଏବେ ନିଜର ପ୍ରେମ ଆଉ ବିବାହକୁ ନେଇ ପୁଣି ଲୋକଙ୍କୁ କରିଛନ୍ତି ଆଶ୍ଚର୍ଯ୍ୟ । ୫୬ ବର୍ଷିୟ ଲଲିତ ମୋଦୀ ସୁସ୍ମିତା ସେନଙ୍କ ସହ ନିଜ ସମ୍ପର୍କକୁ ନେଇ ଖୁଲାସା କରିଥିବା ବେଳେ ନିକଟରେ ବିବାହ କରିବାକୁ ଯାଉଥିବା ସେ କହିଛନ୍ତି । ଆଉ ଏତିକି ବେଳେ ଭାଇରାଲ ହେଉଛି ଲଲିତଙ୍କ ୯ ବର୍ଷ ତଳର ଟ୍ୱିଟ୍ । ଯାହାକୁ ଲୋକ ମାନେ ଦୁହିଁଙ୍କ ସମ୍ପର୍କ ୯ବର୍ଷ ତଳୁ ଆରମ୍ଭ ହୋଇଥିବା ଅନୁମାନ କରୁଛନ୍ତି ।
୨୦୧୩ରେ ଲଲିତ କରିଥିବା ଏହି ଟ୍ୱିଟ୍ ବର୍ତ୍ତମାନ ଭାଇରାଲ ହେବାର ଲାଗିଛି । ଟ୍ୱିଟରେ ଲଲିତ ସୁସ୍ମିତାଙ୍କୁ ଟ୍ୟାଗ୍ କରି ‘ମୋ ମେସେଜର ରିପ୍ଲାଏ ଦିଅ’ ବୋଲି କହିଥିବା ଦେଖିବାକୁ ମିଳିଛି । ଯାହାକୁ ନେଇ ସାଧାରଣରେ ଖୁବ୍ ଚର୍ଚ୍ଚା ହେଉଛି । ତେବେ ସୁସ୍ମିତାଙ୍କ ବୟସ ୪୭ ବର୍ଷ ହୋଇଥିବା ବେଳେ ଲଲିତ ତାଙ୍କଠାରୁ ୧୦ ବର୍ଷ ବଡ଼ ଅଟନ୍ତି । ପୂର୍ବରୁ ସୁସ୍ମିତା ସେନ ରୋହମନ ଶାଲଙ୍କ ସହ ବ୍ରେକଅପ କରିଥିଲେ । ସେମାନେ ଅଢ଼େଇ ବର୍ଷ ଧରି ଲିଭ୍-ଇନ୍ ରିଲେସନସିପରେ ଥିଲେ ।
ତେବେ ବର୍ତ୍ତମାନ ଆମେ ଆପଣଙ୍କୁ ଏଠି କହିବାକୁ ଚାହିଁବୁ ଲଲିତ ମୋଦୀ ୨୦୦୮ରୁ ୨୦୧୦ ପର୍ଯ୍ୟନ୍ତ ଆଇପିଏଲର ଚେୟାରମ୍ୟାନ୍ ଥିଲେ । ଲଲିତ ମୋଦୀଙ୍କ ପ୍ରଥମ ପତ୍ନୀ ମୀନଲ ମୋଦୀ ଥିଲେ । ଯିଏ କି ତାଙ୍କଠାରୁ ନଅ ବର୍ଷ ବଡ ଥିଲେ । ଉଭୟଙ୍କର ଗୋଟିଏ ପୁଅ ଏବଂ ଗୋଟିଏ ଝିଅ ରହିଛନ୍ତି । ୨୦୧୮ ଡିସେମ୍ବରରେ ମୀନଲଙ୍କର କର୍କଟ ରୋଗରେ ଦେହାନ୍ତ ହୋଇଥିଲା ।
Comments are closed.