ଲକ୍ଷ୍ନୌ: ପୁଲିସ ଏନକାଉଣ୍ଟରରେ ଉତ୍ତରପ୍ରଦେଶର ଗ୍ୟାଙ୍ଗଷ୍ଟାର ବିକାଶ ଦୁବେର ଦୁଇ ସହଯୋଗୀ ପ୍ରଭାତ ମିଶ୍ରା ଓ ରଣବୀର ନିହତ ହୋଇଛନ୍ତି। ଗତକାଲି ୩ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା। ଅଭିଯୁକ୍ତମାନେ ଖସି ପଳାଇବାକୁ ଉଦ୍ୟମ କରୁଥିବା ବେଳେ ପୋଲିସ ଏନକାଉଣ୍ଟରରେ ଆହତ ହୋଇଥିଲେ ।
ଅଭିଯୁକ୍ତ କାନପୁରରେ ପ୍ରଭାତ ଓ ଇଟାଓ୍ୱାରେ ରଣବୀରକୁ ଏନକାଉଣ୍ଟର କରାଯାଇଥିଲା । ପରେ ଏମାନଙ୍କୁ ଡାକ୍ତରଖାନା ନିଆଯାଇଥିଲା। ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ଫରିଦାବାଦରେ ଏକ ହୋଟେଲରେ ଚଢାଉ ବେଳେ ପୁଲିସ ପ୍ରଭାତକୁ ଧରିଥିଲା। ଅପରାଧୀମାନଙ୍କଠାରୁ ଗୋଳିଗୁଳା ମଧ୍ୟ ଜବତ କରାଯାଇଛି । ଉଭୟଙ୍କୁ କାନପୁରରେ ଏନକାଉଣ୍ଟର କରାଯାଇଛି ।
- Advertisement -
ଅନ୍ୟପଟେ ଡନ୍ ବିକାଶ ଦୁବେକୁ ୟୁପି ପୋଲିସ ଧରିବାକୁ ଜୋରଦାର ଧରପଗଡ ଚଳାଇଛି। ବିକାଶ ଦୁବେକୁ ଧରିବା ପାଇଁ ହରିୟାଣା ଓ ଦିଲ୍ଲୀ ଏନଆରସି ଅଞ୍ଚଳରେ ଜୋରଦାର ସର୍ଚ୍ଚ ଅପରେସନ ଚାଲିଛି । ବିକାଶ ନାଁରେ ଥିବା ପୁରସ୍କାର ରାଶିକୁ ମଧ୍ୟ ଅଢ଼େଇ ଲକ୍ଷରୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ।
