ସମ୍ବଲପୁର: ସମ୍ବଲପୁର ଜିଲା ଯୁଯୁମୁରା ବ୍ଲକ ଅନ୍ତର୍ଗତ ଜାମଟାଲ ଦେଇ ଯାଇଥିବା ଜାତୀୟ ରାଜପଥ ଉପରେ ହାତୀ ବିଚରଣ କରୁଥିବାର ଦେଖାଯାଇଛି। ଶନିବାର ସକାଳ ସମୟରେ ଏକ ବଣୁଆ ହାତୀ ଅଚାନକ ଜାତୀୟ ରାଜପଥ ନିକଟରେ ଥିବା ପେଟ୍ରୋଲ ପମ୍ପ ନିକଟକୁ ଆସି ଯାଇଥିଲା। କିଛି ସମୟ ବୁଲାବୁଲି କରିବା ପରେ ହାତୀଟି ରାସ୍ତା ପାରି ହୋଇ ଜଙ୍ଗଲ ମଧ୍ୟକୁ ପଳାଇଥିଲା। ତେବେ ଏହି ଘଟଣାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି। ପୂର୍ବରୁ ସନ୍ଧ୍ୟା ଓ ରାତି ସମୟରେ ବଣୁଆ ହାତୀ ଉପଦ୍ରବ ଘଟଣା ଜାରି ରହିଥିବାବେଳେ ଅନେକ କ୍ଷୟକ୍ଷତି ମଧ୍ୟ କରିଛନ୍ତି। ଏବେ ସକାଳ ସମୟରେ ବଣୁଆ ହାତୀ ଘୁରି ବୁଲିବା ଓ ଜାତୀୟ ରାଜପଥ ଦେଇ ରାସ୍ତା ପାରିହେବା ଘଟଣା ସମସ୍ତଙ୍କୁ ଚକିତ କରିଛି। ଏଣୁ ବନ ବିଭାଗ ବଣୁଆ ହାତୀମାନଙ୍କୁ ନିୟନ୍ତ୍ରଣ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି।
Popular Categories
Previous article
Next article