ଟ୍ରେନ୍‍ ଧକ୍କାରେ ୩ ହାତୀ ମୃତ

କେନ୍ଦୁଝର  : ପୁଣି ସଙ୍କଟରେ ଗଜରାଜଙ୍କ ଜୀବନ। ଅନେକ ସମୟରେ ମଣିଷ-ହାତୀ ଉଭଙ୍କ ମଧ୍ୟରେ କେତେବେଳେ ମଣିଷ ତ କେତେବେଳେ ହାତୀଙ୍କ ମୃତ୍ୟୁ ହେଉଛି। ଗତକିଛି ମାସ ତଳେ ରେଳଧାରଣା ପାର୍‍ ହେବା ସମୟରେ ହାତୀଙ୍କ ମୃତ୍ୟୁ ହୋଇଥିବା ବେଳେ ପୁଣି ଏହି ଘଟଣା ଘଟିଛି। ରେଳଧାରଣାରେ ଟ୍ରେନ ଧକ୍କାରେ ଚାଲିଯାଇଛି ୩ ହାତୀଙ୍କ ଜୀବନ। ଗତକାଲି ବିଳମ୍ବିତ ରାତିରେ କେନ୍ଦୁଝର ଜିଲ୍ଲା ଯୋଡ଼ା ନିକଟବର୍ତ୍ତୀ ବେହେରା ହଟିଂ ବାଂଶପାଣୀ-ଜୁରୁଡ଼ି ରେଳପଥର ୪୦୪ ନମ୍ବର ପିଲାର ନିକଟରେ ଏକ ମାଲବାହୀ ଟ୍ରେନ ଧକ୍କାରେ ୨ ଛୁଆ ହାତୀ ଓ ମାଆ ହାତୀର ମୃତ୍ୟୁ ଘଟିଛି। ହାତୀପଲ ରେଳ ଧାରଣା ପାର୍‍ ହେବା ସମୟରେ ଯୋଡାର ବାଂଶପାଣି ବେହେରା ହଟିଂ ନିକଟରେ ହାତୀପଲଙ୍କୁ ଟ୍ରେନ ଧକ୍କା ଦେଇଥିଲା। ଦୁର୍ଘଟଣାରେ ଗତକାଲି ଗୋଟିଏ ଛୁଆ ହାତୀର ମୃତ୍ୟୁ ହୋଇଥିବା ବେଳେ ଆଜି ଭୋର ସମୟରେ ଆହତ ଆଉ ୨ ହାତୀଙ୍କର ମୃତ୍ୟୁ ହୋଇଛି। ଟ୍ରେନ ଧକ୍କାରେ ହାତୀ ମୃତ୍ୟୁ ସଂଖ୍ୟା ୩ କୁ ବୃଦ୍ଧି ପାଇଛି। ହାତୀପଲ ରେଳ ଧାରଣା ପାର୍‍ ହେବା ସମୟରେ ଟ୍ରେନ ସେମାନଙ୍କୁ ଧକ୍କା ଦେଇଥିଲା।

Comments are closed.